Sprite

 

#Sprite

Sa tanang tigbasahan diring dapita maayong gabii! Gabii, kay gabii man nako ni gitype hihihi.

Di ko sure og mapost ba ning akong story, pero basi diay maangayan sa admin.(Please admin)

Kanang pasensya daan ha, dili ko hawud mu-narrate, basta maningkamot lang ko na masaysay nako'g tarung akong story.

Dili ko taga cebu, nakatapak nako diha pero kadyot ra. Silingan ra's Cebu akong kagikan. Dugay nakong suki nga tigbasahan ani nga page. Daghan nakong nabasahan nga mga stories, una atong daan pa nga page pati sa mga bag.ong pages nakasubaybay ko. (Maong admin pls pagbigyan mo na akong ma post ito hihihi).

Itago ko sa pangalan nga Luna, tiguwang na, putot pero pag akong lola pasultihon kyut ko. Diri nako karon sa Mindanao nagpuyo.(Pero taga atbang ra's Cebu jud ko).

Ishare lang nako akong love story nga masalimuot, char oy! Love story nga daghan naagiang kasakit, kaguol, kalipay, ug kalami awww hahaha!

Sige, magsugod nata kay ekskayted nako unta kamo pud oy! Nagsugod ang tanan sa edad pako og dose. Dose pako niabot diri's Mindanao, way back June 1997. (Guwang naba? Aw pag auntie nalang mo nako hahaha). Nianhi ko diri kay lisud kaayo mi sa amoa. Gusto ko makapadayun og skwela, og akong igsuon na maoy nagpaskwela nako nga nakaminyo og taga diri. Naa nasab diri ang akong mga igsuon nga nitabang usab sa pagpaskwela nako. Among mama naa sa among lugar. (Wala nami papa mga langga). Bale 4 man mi, ako ang kamanghuran. Dose sad akong edad una nakong nakit.an ang lalaki nga wala jud nako nahunahunaan nga akong higugmaon pag-abot sa panahon charot! Mosmos pa kaayo ko sa akong pangidaron maong wala pa sa akoa ang una namong pagkita. Silingan rami, hahaha. Grade 6 ko anang panahona og sya bag.ong human sa iyang training. Yes MIU siya, nganlan nalang nato sya'g Ezio. Una nako syang nakit.an nga niuli sa ilaha, niagi sya sa balay. (Kaning balay sa akong ate daplin ras dalan, kanang dalan nga motor ug tawo ra makaagi unya medyo pasulod gamay gikan sa kalsada).

Kuya(bana sa akong ate): Oy si Ezio nakagawas na! (Sa training center ha, dili's presohan). Swerte kaayo jud si Ezio kay bata pa, bag.ong graduate nakasulod dayun pagka pulis.

Ate: Engineering mana iya kurso nga nahuman ga noh, wala niya gipursue.

Kuya: Aw sa pagpamulis ang iyang swerte.

Ako nga nakadungog ug nakakita sa ilang giistoryahan nakahuna2× kong Haggard sya, niwang ug itom kay mao diay bag.ong gawas sa training center. Wala rapud to sa akoa, igo rako nakalili ug naminaw sa akong ate ug kuya. First time to nako sya nakita sa pila ka bulan na nakong stay diri sukad sa akong pag-abot. Minglabay ang mga adlaw, wala nasad nako sya nakit.an utro.

Fast forward:

Isa ka buntag, nanilhig ko's nataran namo. Kay kugihan man ko manilhig aw apil dalan oy hahaha. Sa dihang...

Ako: Amaw maning tawhana oy diri man jud sa akong tinapok nga mga dahon moagi! (Bagutbot nga akong lubot ra makadungog). Si Ezio gikan sa ilang balay nakauniform, fresh ug hastang humota niagi. Nasapot ko'g pinakalit kay nabungkag akong tinapok. Murag gituyo man jud oy nga bungkagon akong tinapok nga mga dahon grrr. Wala pa ju'y lingi2x! Akoa nalang syang gitan-aw nga naay kasuko! (Kani nga panahon graduate nako'g grade 6). Edescribe nako's Ezio ha, taas, moreno, neat, unya dako'g kuan...kanang ilong ba, basta ikaproud ug ikasuroy gihapon sa mowwll.

Nag High School nako. Makita nasad nako sige si Ezio moagi sa balay, usahay naay kauban chicks! Pulis gihapon ug akong nabalitaan uyab kuno niya. (May pagka Marites pud baya ko)

Pirme na nako syang makita moagi sa balay, diri raman sad sa among lugar sya naassign. (Basi matingala mo may assignment na dayun sya nga bag.ohay o dili pa kaayo dugay sya nakagawas sa training center. Dili man gud pareha karon ang training sauna nga moabot tuig o kapin tuig). Kay amigo man sila sa akong kuya ug sa bana sa akong ate, pirme rasad nako silang makita nga nagaistorya, kasabay nasad nila si Ezio sa tagay2x. May mga panahon nga diri sila sa balay magtagay sad. Magjoke2x pani sya nako unya tawagon pako ani niyag barbie hahaha tungod sa akong taas nga buhok nga pirme artehan sa akong amiga. (Ambot nganong naabot sya's barbie2x oy haha). Naay ika-isa, kaning may pagka Marites lagi ta nadungog nakong buwag na daw sila sa iyang uyab, hala broken hearted diay nis Ezio.

Ningdagan ang panahon, (Kay gikapoy nag baktas hahaha waley!) 3rd year nako. Mao ra gihapon, may mga higayon nga makatambay si Ezio diri's balay kay manggitagay sila sa akong kuya ug sa akong brother-in-law. Nagkaclose naming Kuya Ezio, (Ay tuod diay, nagakuya jud ko niya, kay magkaedad jud sila sa akong maguwang lake). Mokaon mani'g numero si kuya Ezio maong magpatabang jud ko ani niya sa Math, ganahan kaayo ko kay perfect ko pirme's assignment namo hahaha! Naa koy report motudlo pud sya nako, Naga-advise2x sad sya nako nga magskwela ko'g tarong kay naningkamot lagi akong mga igsuon sa pagpaskwela nako. Hinatagan ko niya'g pagkaon, Iya sad ko usahay ihatud sa skwelahan pag off niya, ampay sad kaayo nako kay masave nako akong plite. Nafeel nako nga murag palangga kong kuya Ezio.

Natingala ko akong brother-in-law, nag sige na raman balik2x og kanta sa isa ka kanta, ambot kung nakapamilyar ba'mo ani.

Brother-in-law: Nadevelop na sayo, natuto na ring umibig ang aking puso.(Basta naay ana nga lyrics). Wala rasad nako to kay hilig man jud mokanta akong brother-in-law. Hantud naa toy isa ka event giapilan ang manghud na babae sa akong brother-in-law, Mutya ng ******. Tudo suporta jud mi ato niya og kani si kuya Ezio ningkuyog sad. Naa nami sa gym, tapad mi.

Ezio: Day Luna ubani ko sa gawas beh giuhaw ko. (Aw kuyog pud ko dayun) Palit sya'g sprite.

Ezio: Day Luna oh (Gitunol niya sa akoa ang isa).

Ako: (Giinom pero igo ra jud nakuhaan) Ay dili na nako mahurot kuya basi kabuhion ko bugnaw man gud, gabii na kaayo baya. Pero deep inside, sayanga sad sa sprite oy.

Ezio: Akoy hurot. Giinom dayun niya maong nakurat ko kay akoa na baya tong nalawayan eww. Nag tan-aw ko niya while gatungab sa sprite kay wa lagi straw...Hala ka, nagtan-aw man sab sya nako. Nag eye to eye mi duha, dugay2x sad to. Naa ko'y gibati na mura ko'g naulaw nga wako kasabot unya nipaspas akong heartbeat. Nagtutokanay mi, pero sa wa pa nahurot niya ang sprite, ako nay unang nibawi, ninglingi ko dapit sa entrance sa gym. ( Naunsa man ko oy, gikulbaan lagi ko). Nanguli mi atong gabiuna nga naglibog ko sa akong gibati.

Nakabantay ko nga murag maulaw nakong kuya Ezio. Sauna moanhi sya sa balay murag wala ra nako. Naay ika-isa sayo pa sa buntag nianhi sya kay naa sya'y tuyo sa bana sa akong ate, akoy nagpasulod niya, giingnan pako niya DAY LUNA NAA KAY MUTA. Aw ako nanghimuta rapud ko og nikatawa. Pero karon, hala naunsa naman nga pag naa sya mura naman ko'g makulbaan. Akoa nalang gibalewala akong gibati, naglibog man gud ko kung unsa ba jud buot pasabot sa akong nafeel. Basta ginaenjoy nalang nako pag naa sya sa balay. Sa akong edad na 15, nakaagi nako'g MU2x kuno, crush2x, kilig2x, exchange letters na maconsidered as puppy love kay bata pa lagi. Pero kang kuya Ezio naa lagi koy nabati nga something new sa akong paminaw. Hala inlove na ba ko? Paktay mabirahan tag buhok sa akong mga ate ani hahaha. Kiat jud day!

Naay namatay sa among silingan, close namo ni sya. Sa iyang haya present jud ko pirme unya naay time naa sad si kuya Ezio, mag uban mi'g adto didto pero naa man sad akong mga amiga nga silingan rasad namo. Usahay naa sad akong kuya ug brother-in-law. Naay isa kagabii, gibati ko'g duka. Pag tan-aw nako sa oras medyo layo2x paman sa akong pananghid nga mouli ko, Si kuya Ezio toas mga lake nagtumpok2x sad sila, unya ako nitapad ko'g higda sa akong mga amiga nga nakatulog na. Nakatulog sad diay ko, pero nakamalay ko nga naay nihaplos sa akong ulo, wa nako pansina. Niutro og haplos then nafeel nako naay nikiss sa akong aping. Nakurat ko maong dali2x nakog buka akong mata. Si kuya Ezio akong nakita! Nakuratan ko, igo ra ko nakatutok niya tapos sya nipahiyum nako, wala gihapon niya gikuha iyang kamot sa akong ulo. Nibangon ko'g dali2x sabay ingon MUULI NAKO! Ningsunod sya, DAY LUNA HUWAT. Sutoy rako og lakaw, wa mi tingganay. Pag abot namo sa amoa nideritso ko'g sulod sa balay, ningsampit pa sya pero wala jud ko'y lingi2x niya. Ning uli nalang sad sya. Wako katulog, nagsige ko og huna2x unsay pasabot sa iyang gibuhat. Bisan 15 pako kahibalo nako anang butanga, kanang uyab mokiss sa iyang uyab. Niaksyon ko'g kakilig pero wait, dili man mi uyab! Ayay hunong day! Hahaha Basi inigsuon ra to iyang gibuhat. Kamalisyosa ning bataa, puyo! Naa nakoy nafeel kang kuya Ezio nga maglisud ko og sabot kung gugma ba o unsa og sa iyang pagkiss nako nisamot na nuon akong gibati nga halos dili na nako maexplain.

After ato, wala kaayo nako gatingog niya. Kay confuse pajud ko sa iyang gibuhat. Mura sya'g wa nahiluna.

Ezio: Suko ka day Luna?

Ako: Wala ah.

Ezio: Sultihi ko sa tinuod kay murag gaiwas man ka nako. (Mura sya'g kahilakon)

Ako: Ngano gikiss ko nimo kuya Ezio? (Naglakas loob jud ko, ako syang gipangutana bahala na!) Wala sya katubag, nidungo ra sya tapos sabay sulti.

Ezio: Ayaw kasuko nako day Luna please? (Igo ra nako sya gitan aw).

Nakapansin nasad diay akong brother-in-law nga wa kaayo ko gatingog kang Ezio.

Brother-in-law: Day Luna, nag-away mong Ezio?

Ako: Wa man kuya.

Brother-in-law: Aw mura man gud mo nag away. Day naa unta koy isulti ba. Paminaw ha.

Ako: Unsa mana kuya?

Brother-in-law: Nag-istorya nami ani sa imong ate, akoa naning gi-open niya. Si Ezio man gud naay giistorya nako. Dugay na ni niya gisulti sa akoa ug sa imong kuya. Dugay na sya naay gusto nimo day, dili lang niya masulti kay nahadlok sya kay bata paka.

(Nigawas sad akong ate gikan sa kwrto).

Ate: Dugay nami nakabalo ana, gisultihan na sa imong kuya(brother-in-law) si Ezio nga bata paka ug gaeskwela pa pero willing daw sya mohulat nimo. Ambot lang kaha kung aha pud sya taman. (Mura ko'g dili makatoo sa akong nadungog, si kuy Ezio naay gusto nako? Nagbuto2x jud akong dughan). Sukad atong pag-istorya sa akong brother-in-law ug ate samot nako dili mahimutang. Gikilig najud ko hahaha!

Molakaw si Ezio pa manila, naay iprocess related sa iya work. Naaksyon ko og kabalaka.

Kanang, pwede mohangyo? Aww hehehe sa mga nibasa akoa sa ning putlon ha. Nalibat na jud ko ba hehehe. Pag mapost ni tapos naay mangayo og part 2 bisan 3 ra kabuok mosumpay jud ko dayun hahahaha.

Part 2:

Hello, thank you sa paghatag og time na basahon akong gishare nga love story namong Ezio. Thank you admin sa pagpost, lablab.😘 Molakaw si Ezio pa manila, naay iprocess related sa iya work. Naaksyon ko og kabalaka. Wala pa sya nakalakaw murag mingawon naman ko. Pero bago pa sya nakalarga, nakig-istorya sya nako. Naa kuno sya iistorya importante. Mao ni amo convo, dili nani mao exact na mga words pero ang thought pareha ra. Ezio: Day Luna, mangayo ko'g pasensya sa akong nabuhat (Sa iyang paghalok nako) unta wala kana nalain nako. Nabuhat 'to nako tungod nadala ko sa akong gibati. Nahigugma ko nimo Luna dugay na. Sa atong pag-kuyog2x wa nako namalayan nadevelop na diay ko nimo. Pasayloa ko wa nako napugngi. Gibuhat nako tanan nga mawa ni pero nisamot naman nuon akong pagbati diha nimo. Ako nga naminaw, nagpitok2x ra. Mura ko'g gikulbaan nga at the same nalipay basta ingon ana nga feelings. While gatan-aw kong kuya Ezio gibati sad ko og kalooy niya kay mahalata gyud nga mura sya'g naguol ug kahilakon. First time pa pud nako nga naa sa ingon ani nga scenario, kanang naay nagconfess nako personally. Tungod siguro kay bata pako wala kaayo nag sink in sa akong hunahuna iyang gipangsulti pero nakafeel gyud ko'g kalipay. Kumbaga mabaw ra ang akong pagsabot sa iyang mga gipangsulti. Basta para nako, ang akoa lang nasabtan nagkagusto sya sa akoa. Wala ko nakatubag sa mga gipangsulti ni kuya Ezio nako... Ezio: Bata paka kaayo maong naa ko'y kahadlok ug dako akong pagrespeto nimo pati sa imong pamilya. Ako: Kuya Ezio, nakabalo naman ko nga naa kay gusto nako. Gisulti na sa akoa ni kuya(Brother-in-law) ug ni ate. Ezio: (Nitutok nako) Mahal taka Luna paabuton taka. Ako: (Ningpahiyum, naulaw ko gamay) Ikaw bahala kuya Ezio. Ezio: Mingawon ko nimo. Hapsay ang akong feeling after sa iyang pagconfess. Kana bang panatag kaayo ako feeling. Nagkwentohanay nami after, then nagkwento2x sad ko about sa school pero bigla sya naseryoso. Ako: Naunsa man ka? Ezio: Aminon nako, nakafeel baya ko'g selos sa imong classmate nga lake kadtong naay gihatag nimo. (Naa man gud ko close friend na lake, classmate rasad nako). Minglarga na sya, nabag-ohan ko kay naanad ko nga pirme nako sya makita. Naanad ko sa iyang presensya. Wa nasad magtutor nako sa Math. Naa namay cellphone that time, pero sya wa pay cp. Makigamit ra sya sa iyang kauban. Manawag sya sa akong ate, ang cp pa jud sa akong ate kay kadtong murag safeguard nga sabon ang porma hahaha. Akoa nang hulaton iyang tawag, kada hapon excited ko mouli gikan sa skwelahan. Nag-advise akong ate nako... Ate: Day Luna nakapansin nako nga naa napud kay gusto kang Ezio. Bisan dili pa nimo isulti halata na kaayo sa imong lihok. Ako: Sorry te... Ate: Okay raman unta na ba, makasabot man ko anang uyab2x pero dako ang agwat sa inyong edad. Pwede pa sya makakita og pareha niya unya ikaw daghan pa pwede mahitabo nimo kay bata paka. Dili paka ready, basi gani og nakuratan raka ana imong gibati. Ako:(Wala katingog, mura ko'g naluya). Ate: Advise rani akoa, pero og dili jud taka mapugngan wala koy mabuhat, sabton taka pero mohangyo jud ko pag skwela jud og tarong day asahan nako na. Wala nawala ang mga advise ni ate sa akoa, gahuna2x sad ko nga tama si ate. Wa kaha rako nakalitan? Pwede jud kaayo makakita si kuya Ezio og kalevel niya nga naa nay profession unya ako intawon 3rd year High School pa. Naabot pud baya nako ang about sa uban niyang mga ex, kani laging member mi sa mga Marites sa akong mga amiga. Mga itsuraan man sya'g mga ex oy. Dili man gwapo jud ni si Ezio pero pangbato man ang beauty sa iyang mga ex. Nakaatubang ko og samin wa sa oras. Halos walay sipyat si kuya Ezio manawag, pero naay higayon tungod sa akong mga paghuna2x nga murag dili jud mi bagay napansin niya nga luya ko. Worried pud tawon sya kung naunsa ko, kung naa ba koy laing gibati. Gimingaw ko niya bisan wa pay bulan nga nagkalagyo mi. Nafeel nako sa akong bata pa nga edad nahigugma na jud kong kuya Ezio. Pasensya na mga readers, pero mao jud na akong gibati. Kani nga panahon, hapit na closing mouliay na sya, excited na kaayo ko! Niabot na jud si kuya Ezio! Naa sya'y mga pasalubong, pero ang akong pinakaganahan ang stuff toy. First time mo? Hehehe aww oo kaayo hahaha! Ezio: Miss you Luna (Tuod diay, taud2x nasad nga wa na gatawag nako si kuya Ezio og Inday/Day) Ako: I miss you too kuya Ezio. Nafeel nako nga sweet na kaayo si kuya Ezio nako, human sa iyang work deritso na dayun sya sa balay. Istorya2x sila sa akong kuya ug brother-in-law, usahay sa akong ate taman sa nananghid na sya nga manguyab na gyud daw sya nako. Nangayo pa sya'g pasensya nga dili na sya kapaabot makahuman ko pero nipromise man sad sya nga magbutang sya og limitasyon. Niabot akong mama, ningbisita namo. Pati sa akong mama nananghid sya. Gaduha2x pa akong pamilya tungod sa age gap namo basi daw masakitan rako at the end pero dili man pud daw sila mohadlang kay kaila naman sad sila ni Ezio ug nisalig sila. Sa iyang pagpanguyab, effort na effort kaayo sya ug nanibago pako kay kaning sa suwat2x ra lagi atong naagian hahaha. Mga pila ka adlaw after sa akong 16th Birthday, ako syang gisugot. Bale 1 month ra jud iyang pagpanguyab nako. Unsa pamay dugayon, comfortable naman ko niya. Lipay kaayo sya, daghang mga promises hahaha. Member jud mi aning "silingan para sa silingan" hahaha. Incoming 4th year High School nako aning panahona and that was April 2001. Nabag-ohan ko, maka kuya pako niya usahay hahaha! Smooth ra among relasyon duha. Pagbalik sa klase tabangan ko niya sa akong mga projects ug assignments. Pag off niya hatud-sundo ko sa school, di maiwasan nga naay mga mata nga magtan-aw namo nga murag naay mga buot ipasabot. Hantud sa nakadungog nako og mga istorya like, HALA MURA NAMAN NAG KUYA NIYA IYA UYAB OY, BATA PA KIAT2X NAMAN SA MAS MAGUWANG PA JUD NIYA, PAKUYA-KUYA RA JUD DIAY. Pati sad sya, naa pud daw syay mga nadunggan MAKASUHAN MAN KA ANA EZIO, BATAA PA SA IMONG UYAB OY MAY GATAS PANA SA LABI, CORRUCTING MINOR SI SIR. Nasakitan sad baya ko, wala nako naready akong kaugalingon nga possible diay nga naay mga ingon ana na mga istorya manggawas. Gipalabay ra namo ang mga istorya. Tuod man, naa man sad time makaisip ko dili jud maiwasan ma judge mi tungod lagi kay dako2x among age gap. Pero gugmaan man jud mi sa usag-usa. Gipangbalewala namo ang mga istorya basta nisupport man sa amoa akong pamilya ug kabalo mi sa among mga limitasyon. Aminado ko nga sa akong edad dili pa jud ko ready sa usa ka relasyon, seryoso na relasyon. Labi na kay c Ezio matured na. Mogawas jud akong pagkabata pa og hunahuna, clingy, dali saputon ug moody jud ko. Pero si Ezio andam mosabot nako, dawat ko niya. Abi nako okay rami. Abi nako walay maging problema sa among relasyon. Dili ganahan ang family ni Ezio sa akoa. Wala ko ginapansin sa iyang side. Wala paman nuon ko niya giatubang sa iyang pamilya pero tungod kay silingan rami naa jud panahon nga magkit-anay ra. Gusto ko mosmile pero dili madayun kay molikay sila, dili sila motan-aw man lang gani nako. Kadtong wala pami nag-uyab, okay2x paman pero tong uyab nami nafeel nako ang dili jud nila pagkagusto sa akoa. Medyo may kaya diay ila family, naa sa government iya papa ug negosyante iyang mama. Duha sila kamagsuon puros professional na. Ikumpara ilang status sa amoa unsa raman tawon mi oy. Wala lang ko nag open kay Ezio pero nafeel na nako nga murag naa syay wala ginaingon sa akoa about sa iyang family. Naa sad koy pagkamaldita mga langga hehehe sorry. Pero wala man sad ko gapanghilabot sa side ni Ezio. Maulaw paman gani ko nila. Naisip nako basi dili sila ganahan kay kabalo jud sila nga malditahon ko. Padayun among relasyon hangtud sa nagcollege nako. Naay away, selos2x pero masolve raman sad namo duha. Medyo layo2x akong gi-skwelahan sa college sa among lugar, nagboarding house rako maong halos every weekend rami magkita kay taga weekend raman ko mag uli. Kani nga time may cp na si Ezio pero ako wa pa maong mingaw jud, akong ginabuhat makitext rako usahay sa akong mga amiga na naay cp. Usahay iyaha kong isurprise og duaw sa boarding house, then may time sad inig gawas nako sa gate sa school naa na sya gahulat. May mga adlaw nga biyernes mosipot ra sya og kalit mao diay iya kong sundoon, naa man syay motor. Naa syay mga surprises sa akoa, buhong ko sa foods. Dili jud sya gusto magutman ko. Pag mangaon mi favorite na nakong sprite imnon hahaha! Moinom man gihapon ko sa ubang softdrinks pero special jud ang sprite sa akoa hahaha! Remember the sprite incident? Ngewks pasanginlan jud nako ang sprite oy! Okay rajud ang dagan sa among relasyon. Happy kaayo ming duha! Nagkadugay among relasyon duha nagkadeep sad akong gugma niya. Akoa man sad mafeel iyang gugma diri nako og palangga jud ko niya. Naa mi halok2x, syempre naa jud na sa relasyon hehehe. Kanang murag magkadeep na among hal*kanay gani pero kasagaran mauli nalang sa paghalok niya sa akong agtang sabay hug. Kumbaga gapugong jud sya, kay lisud na hahaha. Pirme sya mag remind mag skwela jud ko og tarong. Di daw nako sayangon ang panahon. Diha kaayo ko bilib sa akong gang Ezio. Always sad nako sya ginasultihan nga mag-amping pirme labi na kay medyo delikado ang nature sa iyang trabaho. Maguol jud ko ana basta duty nana sya. Iyang family, wala gihapon ko ginapansin. Kanang naay time magkita mi nila, mosmile ko nila pero hilaw ilang pagtagad sa akoa. Wala pa gihapon ko gidala ni Ezio sa ilaha, pero okay lang sa akoa. Nakasabot ko. Dili jud diay tanang higayon puro kalipay ra ang relasyon. Moabot jud ang time, sukdon mo sa panahon. Naa koy napansin ni Ezio, nagkaanam nga murag wala na syay time nako. At first akoa lang gipalagpas kay basi busy ra jud sa work. Pero kabalo jud kong Ezio, bisan unsa pa sya ka busy dili ko niya kayang tiison. Namatikdan na jud nako kanang dati, motagay2x ra sya. Karon palahubog na jud sya. Laagan nasad sya ug ang worst nabal.an nako mokuyog2x daw sya sa among silingan manabong usahay pag off niya, dili man nuon sya ingon nga sugarol pero dili jud maayo hunahunaon. Mao diay na ang mga rason na halos dili na sya makaduaw nako. Kada uli nako dati makabalo man sya kay makitext man ko daan sa akong amiga na pauli nako, excited kaayo sya mosundo sa terminal. Karon halos dili nami magkita kay after sa iyang duty toa naman sya sa iyang mga amigo, gabii na sya pirme makauli. Naa pa jud time dili jud mi magkita na. Nasakitan nako sa among sitwasyon. Ang wala pagpansin sa iyang family nako, gibalewala rana nako ang importante mahal ko ni Ezio pero karon naunsa naman ni? Sakit na sa akong part kay dili na gani ganahan iyang family nako nidugang pa sya nga nagkacold na. Naga over think nako, dili nako niya love? Naa naba kaha syay lain? Makahilak na jud ko ani. Maayo nalang naa akong mga amiga makaopen up ko nila. Wala nalang ko nagsulti sa akong pamilya kay ako mismo kabalo ko nga nakabalo na sila sa among sitwasyon, nakabalo na sila sa mga ginabuhat ni Ezio, silingan ra baya mi. Padayun rako sa akong pag skwela. Usahay akong hanggaton akong mga amiga inig human sa klase maglaag sa plaza, magtambay sa balay sa among amiga rasad aron malingaw ra jud ko. Pirme nako maghilak, lahi na jud si Ezio. Panagsa nalang mi magkita, dili pa jud magdugay kay usahay busy sya sa work niya, busy pud ko sa school dugang pa jud na iyang pagkabuang sa barkada. Pero kanang mag-uban mi, mafeel man gihapon nako iyang pagmahal ug pagpangga. Pero kanang inig balik nako sa lugar nga akong gi-skwelahan, manglamig jud sya. Makabalita gihapon ko nga pirme gyud siya gauban sa iyang mga amigo. Pirme sila galaag, moabot sila sa laing lugar magsuroy2x. Usahay magpahibalo, usahay sad dili. Iyang mga kauban pulis sad pareho niya. Mga ulitawo maong anytime pwede maglaroy2x. Sige na jud ko'g overthink nga impossible jud og way bae mainvolve ana ilang laag2x. Mga laki gud na unya mga pulis pajud! (Kabalo nata diba, ang uban sa ilaha dali ra jud makadagit). Nafeel nako na dili na jud healthy among relasyon. Nitubo na akong sungay, pirme nakong mangaway niya. Imbes kana ra nga time magkita mi or magkaistoryahanay sa cp mauli pa sa away kay mura naman ko'g tigre jud. Sakitan jud ko sa panghitabo sa among relasyon. Ikapila nako nakigbulag kay mura raman japon ko'g way uyab pero dili man sad sya mosugot. Magpakalooy pero mao ra gihapon utrohon raman gihapon niya. Pero kani laging gauros2x atong gugma, hahay gi*tay makapasaylo jud ta. Abi nako iyang barkada ug inom ra akong problema niya sus babae is real! Weekend, naa mi sa balay ani nakauli man ko. Nitingog iyang cp. Nabasa nako ang text sa iyang amigo, itextmate daw lagi ni Ezio, nagforward og number ang hinampak. "Pre, gwapa na itextmate dayun kay mura na sya si Nikki Valdez". Kay nalingaw man sa Tv ang Ezio wa kabantay ang amaw. Akoy nireply, Nikki Valdez diay ha. "Pre makasala ta ana, kontento nako sa akong uyab nga mura'g si Camille Prats"! See, ayaw jud ko pun-a, abi'g weak, sukol ta oy! Kamo ray maghinambog?! Pero gahuna2x ko: Reply lang ni ron kay naa jud cp molupad! Wala naman sad nuon nitext balik. Basta akong sungay gataas na jud, galibog na akong huna2x. Daghan nakog mga naisip na possible jud nga nagcheat sa akoa si Ezio. Ako: Hoy imong uyab oh nitext! Iyang gibasa nikatawa ra sya, ingon ato jud daw to iyang amigo bisan ang uban nilang barkada iyang panghatagan og textmate. Wakoy tingog2x. Nakapansin sya nga nasuko ko maong gilambing ko niya og as usual promise2x nasad pawalas sapot ni Luna. Kay marufffoookkk man ta tuo sad ta oy, Love gud! Ay wait wa diay nako nadelete ang sent item, Hahaha kiber bahala sya! Again, mao ra japon si Ezio buang kaayos barkada, idol na jud niya si Dora! Pero bisan ana sya wala man sad sya nagpabaya sa iyang work. Wala mn sad ko kadungog nga nagkaproblema sya sa trabaho niya. Kay tungod lagi mas daghan sya'g time sa barkada, Cold nasad ang environment bisan layo pa ang pasko, dama ko na ang lamig ng hangin hahaha! Sige nasad mi og away, paranoid nako kaayo. Ga long jud ko sa iyang presensya ug time pero halos dili na jud na niya mahatag sa akoa. Dili ko kadawat nga naingon ani nami duha maong pirme napud nako sya maawayan! Makita nako baya sad nga maluya sya pag akong awayon. Pero isog man ko, bahala sya! Sya naay daghang pangkuwang sa among relasyon! Naa koy uyab pero murag wa! Nakigbulag nasad ko niya, akoa syang giingnan nga gikapoy nako niya. Kay wala man sya'y panahon nako mas maayong magkanya2x nami, mas maayo pa magfocus nalang ko sa akong pag skwela labong busy najud mi ato nga panahon kay 4th year college nako ani nga time, year 2005. Perti niyang hangyo nga di mi magbulag pero buo na akong desisyon. Nagconcentrate ko sa akong pag skwela. Kani nga time naa nakoy cp maong dali rako nakapananghid sa akong mga igsuon nga dili sa ko mag uli2x. Nagsulti nako nila nga bulag naming Ezio, naanad na raman sad akong mga igsuon sa amoa ni Ezio, kanang bulag-balik maong wala ra silay comment. Kani nga time nag-uli nasad akong mama sa among lugar. Nakabalita ko nga naay gireto iyang family sa iyaha, og balita nako mao jud daw ilang gusto parang Ezio. Nasakitan ko kay murag gusto pud daw ni Ezio ang babae, nakapamalikas ko og taman! Pila pa lang kaadlaw gikan mi nagbulag ningkitiw na sya! Unsa paman akong laban? Family na niya ang nipili sa babae na gusto nila para kang Ezio. Aha naman si Ezio? Gikalimtan nalang gyud diay niya among 4 years na nga relasyon? Didto nako nagbreakdown, perti nakong hilak, nagkisi2x ko, nagligid2x, nagtuwad2x jud ko og hinilak PERO ATIK RA!!! Naghilaka jud ko, hilak nga ako ra ang makadungog. Hastang sakita jud kaayo sa akong gibati. Naay part nga nasuko kong Ezio pero may part sad nga akong nafeel na gimahay nako akong kaugalingon. Unta wala nalang ko nagpataas og pride, gisabot nalang nako si Ezio bisan barkadista sya total boutan man sya, palangga man sad ko niya. Oa raman jud siguro ko oy, basi nasobrahan rako ka demanding. Akoa sad naisip nga murag wala na jud syay pagmahal nako, nganong wala nako niya gisuyo? Aha na iyang mga promises? Dili pa unta ko ready sa gugma2x pero nisalig ko niya, pero unsa man iyang gibuhat? Siguro napul-an na sad sya sa akong pagkaparanoid ug sa sigeg pangaway. Sign na jud ni para moGive up na gyud ko. Maayo nalang sabado tong adlawa, way klase, diko busy. Nagmukmok rako sa boarding house. Naluya ko og hinilak taman sa nakatulog ko. Akoa nasad usa putlon ha pasensya na jud kaayo. Binhud na akong kamot, sakit nasad akong mata. Paningkamutan nako na next part mao nay last. Thank you. Finale:

Thank you sa tanang nagbasa ug nisubaybay sa among love story ni Ezio. Dugay2x na jud na tigbasan ko diri, pero wala ko nakahuna-huna na moshare sa akong love story kay aminon nako dili ko hawud mu-narrate basi unya'g di mo ganahan hehehe. Pero may nabasa ko diri about lagi anang dako2x ang age gap nilang duha sa iyang uyab. Bata2x pa tong nagshare. Dili na nako madumdoman ang title ato. Gikilig baya ko ato oy, nakarelate jud ko. Sukad ato sige nako plano na moshare dinhi kaso di madayun2x kay kani laging dili nata klaro'g mata. Pero sige gyud ko makahunahuna na moshare lagi, maong akoa gyud ning gihatagan og panahon. Pasensyahi ko ninyo mga palangga na dili ko dayun makasend sa sumpay, paspas baya ko magtype pero mossurender gyud akong mata. Member na baya ko sa upat ang mata oy.😂 Shawwttt awwttt diay kay Mary Grace Tuso!😘 Padayun ta... Pagkaugma wa koy gana mobangon, gusto unta ko mosimba pero nawad-an ko'g gana (sorry Lord) kay sure kaayo nga makadumdom lang kong Ezio sa simbahan. Gauban man sad gud mi og simba kanang makauli ko. Sabay mi mag-ampo, iya pang gipangayo sa Ginoo nga unta daw ako na ang ihatag sa Ginoo niya nga makauban niya hantud sa iyang pagtigulang. Naluya ko'g samot sa akong nahinumdoman, perti napud nakong hilak! Wala pa gani ko nisimba, gahilaka nako unsaon nalang kung toa ko sa simbahan. Nagmukmok lang gihapon ko, daghan na kaayo ko nahunahunaan. Magsanay nalang gyud ko na dili nami mag-uban. Dili na nako mashare niya ang mga panghitabo sa school, ang akong mga kalagot, kakapoy ug mga kalipay. Dili na nako makwento niya ang mga kabuang namo sa akong mga amiga, dili na mahitabo na mag-ask ko'g permission niya nga molaag ko kauban akong mga friendship like mamirthday ug mamiesta. Mga ingon ana nga stuff, simpleng butang pero importante kaayo para nako. Kung hunahunaon halos nagtuyok nalang man gud ang akong kalibutan kang Ezio maong naglisud ko'g dawat nga sa ingon ani napaingon ang among relasyon. Halos dili gyud moundang akong luha, makalma ko kadiyot pero pag makahunahuna nasad ko sa mga moment nga gauban mi motulo napud akong luha. Gimingaw ko niya, gusto nako sya tawagan pero nahadlok ko, paunsa kung ereject ko niya? Naisip pa gyud nako kanang lahi na ang iyang makauban grabe kahuot sa dughan. Nagdanguyngoy nasad ko, wala kay batasan Ezio nganong nakaya man ko nimo tiison? Halong kalagot ug sakit gyud akong gibati anang panahona. Nag pray ko, na unta maOkay na ko dayun. Nakahuna2x na jud ko na taman nalang jud didto ang among story ni Ezio. Dawat2x nalang jud ta ani. Gisolo jud nako tong sakit nga akong gibati, wa ko nanawag og resbak sa akong mga amiga. Bisan sa akong pamilya, wala ko nanawag aron maghilak-hilak nila. Akoa baya ning kabubut-on na sudlan ning butanga. Labon bitaw dili pa unta sila magsugot mag-uyab2x ko wa gyud ko nagpatoo. Padayun ra jud ko'g higda, halos wa nakoy kaon kay di man ko makafeel og gutom. Pero nikaon ra gihapon ko'g biscuit og tinapay kay lisud na'g masakaan ta og kabuhi, paktay na hehehe. Monday na, nagdali2x pako kay dugay ko nakamata. Tibuok gabii gihapon intawon ko og hinilak. Perti nang hubaga sa akong mata. Pero anang buntaga nakapromise ko sa akong kaugalingon need jud nako magpakatibay og dili ko magpaapekto, hilak2x ko unya sya didto naghappy2x na! Kung para sa uban gamay rang problemaha pero during that time, akong paminaw mura man jud ko'g gidat-ugan oy. Ready to school na si Luna, diko gusto makita sa uban akong kasakit nga gibati. Bahalag gahilak deep inside basta happy outside! While gahulat ko og tricyle ningtumbling ko'g 3 times then pak, split! PERO ATIK RA!!! Nakasakay nako, nakabantay ko sa driver na sigeg pasiplat nako. Pati pagsulod nako sa gate ang guard nitan-aw gihapon sa akoa nga murag naay something. Ang mga nakatabo nako na pareha nako estudyante motan-aw pud nako. Basi napansin gyud nila akong mata nga napikot sa kahubag. Pag-abot nako sa among room, naa na akong mga amiga og tanan sila nanan-aw nako. Moaksyon na unta ko og hilak magpalaban sa akong bff pero pagduol nako naa syay gitunol. Bff Kulot: Ohhh Ako: Unsa mani? (Sabay dawat) Kulot: Wa na gyud ka kaila ana? Ako: Amaw! Kabalo kong sudlay ni, nganong gitunol man nimo ni nako? Kulot: Basi man gud wala nakay ana, panudlay Luna mura ka'g wakwak! Ayha pako nakabantay wa man diay ko nakapanudlay. Bantog ra nanan-aw sila nako. Taas ko'g buhok, nahalata jud nila wa ko kapanudlay. Una baya gyud napansin sa akong bff na hubag ang akong mata, ikaduha na daw ang akong buhok. Nafeel na daw niya nga something wrong. Gipapanudlay sa daw ko niya. Kulot: Pila ka utitud nakapaak ana imong mata Luna? Didto na, nagpalaban nako sa akong bff. Tapok dayun ang uban nakong mga friendship. Gi-kwento nako sa ilaha ang akong nahibal-an. Sila tanan, ila kong gitambagan. Gahilak pako labi na'g ako nalang usa, kanang naa nako sa boarding house pero kanang igo nalang makatulo akong luha, dili na pareha atong una nga mabasa jud tawon akong unlan pati akong dunggan masudlan pa og luha. Naay nabag-o nako, kanang dati dili pwede nga wa koy katabi, Dako ko'g baba ug tingug mokatawa. Daghan malditahan nako pero sila rasad moingon nindot man daw ko maamiga hehehe. Bibo daw kung naa ko kay with action pako kung mu-istorya. Napansin na sa akong mga amiga ang akong kabag-uhan. In the middle sa among mga chikahan mokalit rako'g kahilum, Usahay layo ko'g tinan-awan. Naguol pud akong bff nako basi daw kadugayan mag-istorya nalang ko nga ako lang isa hahaha impakta jud! Mangaon mi og magmerienda sa akong mga amiga may time magsoftdrinks man mi ana, dili nako molingi sa sprite. Wa nakoy gana ana, tasteless na sya para nako. Magpepsi nalang ko! So immature? Pasensya na mao gyud na ang akong gibati anang panahona. Ingon ana ko kabitter na pati ang sprite na walay kamalay-malay nadamay hahaha! After two weeks, nitext ang akong amiga na taga amoa. Ningbalita sa akoa nga ang babae nga gireto sa iyang family kang Ezio, palauyab! Daghan daw lagi kuno og uyab. Ambot kung tinuod ba kaha? Sa akong isip: Left and right, back and front diay kunohay ang uyab? So, wala kabalo ang family ni Ezio aha sya ipwesto kay murag loaded naman ang babae. Butboton ko kung moingon ko'g wako nalipay sa gibalita sa akoa! Merisi Ezio, pikat! Gisumpayan pa sa akong amiga nga dili jud daw pabor ang pamilya ni Ezio sa among relasyon kay lagi bata pako, lain daw tan-awon na lagyo mi og edad unsa nalang daw ikaingon sa mga tawo? Daghan pa daw makita si Ezio. Sa wala pa mi nag-uyab, nagpasidaan na daw iyang mama nga dili idayun ang gusto ni Ezio pero gahi jud daw og ulo ilang anak. Pag open daw ni Ezio sa iyang family nga uyab nami nalain daw ang iyang mama. Hahay imbes magcelebrate nako og plan na unta nako manglibre'g ice candy ug mani sa akong mga friendship murag di naman madayun! Imbes nalipay nako, nasakitan napud nuon ko, paita! Mao diay nga wala jud ko giatubang ni Ezio sa iyang family ug naa koy napansin niya nga murag naa jud syay wala giingon nako. By the way readers, 9 years ang among age gap og para nako dili sya ingon nga dako gyud kaayo ang among agwat. 16 ko nga nag-uyab ming Ezio, og 25 sya atong panahona. Feeling gani nako tong nagka-uyab nami na magkaedad rami hehehe. Naningkamot og nanintiil jud ko sa akong pag skwela kay basi'g mahagbong ta makatilaw najud ko sa akong pamilya. Sembreak na, wa gihapon ko niuli sa amoa. Again nisabot ra akong mga igsuon sa akoa. Naglaag2x ko, palengke, plaza, basakan sa akong isa ka amiga, saka mi'g bukid mamiyabas, molaag sad ko sa balay sa isa nako ka amiga manaka mi's ilang atop manguha mi og mangga, mamingwit mi's fishpond sa auntie sa akong bff. Mao na intawon ang akong laag2x nga ikapanghambog hahaha! Nalingaw nalang pud baya ko. Hantud nagklase na'g balik, second sem na. Walay Ezio nagparamdam nako, naa na jud syay laing earth! Pati akong mga igsuon wala sad gaopen about niya kanang mocontact sila nako. Ilang girespeto akong feelings kay lagi kuno nagamove on ko, ngewks hihihi. 3 months na sukad wala ko nakauli sa amoa. Pirme ra gihapon ko makahunahuna niya. Pero kumpara dati, okay2x na ko. Christmas break na, need na jud ko mag-uli. Naa nako sa amoa, busy ko'g panglimpyo. Kugihan ko manilhig pero sa gawas akoa rang wiris-wirison aron dali ko mahuman og wala nasad ko gaabot sa dalan hehehe. Kanang manglaba ko, dili jud ko mosiplat sa dalan inig manghay2x nako, diko gusto makakita nga moagi ang dili nako gusto makita. Not now, dili pako ready! Char oy! Isa kagabii, while gatan-aw mi og tv kauban akong ate og brother-in-law ila kong giistorya. Nag-istoryahanay man diay akong brother-in-law ug si Ezio. Close ang bana sa akong ate og si Ezio readers maong dili nako matingala. Nangayo sya'g pasensya sa akong brother-in-law og ipaabot nalang daw sa akong mga igsuon. Giangkon niya iyang mga mali nga nabuhat, nalingaw sya sa barkada nga wa na niya namalayan na halos wala na syay oras sa akoa. Una daw ato galingaw2x ra sya kay mahadlok sya nga sa sige namo og uban makalimot sya og dili na makapugong, makasala daw mi. Pero naunsa naman nga sobra na daw sa lingaw2x na ang iyang gipangbuhat. Abi niya ma okay pami pero ningdili na jud daw ko og nasakitan napud daw sya magtan-aw nako nga apektado na sa among sitwasyon tungod sa iyang mga pagkuwang. Naulaw kuno sya sa akong pamilya kay wa niya nabuhat ang iyang promise nga ayuhon ko og dala. Naa daw ikaisa ingon sa akong brother-in-law, nahubog si Ezio. Nag-akbo kuno sya sa lamesa unya natingala sila nga nag-uyog man ang iyang abaga. Naghilak diay daw si Ezio. Kadtong reto2x wala man na open sa akong ate og brother-in-law sa akoa. Wala nalang pud ko nangutana kay basi'g masakitan ra ko sa ilang itubag. Mura lang ko'g lutang after sa akong nadungog. Sarado akong utok, nasakitan pako sa nahitabo namong duha. Isa ka buntag while gahugas kog plato, nadungog nako naay kaistorya akong ate sa gawas. Wa rapud nako, taud2x ana... Ate: Day Luna naa si Ezio. Ako: (Nakuratan, sa akong isip: Nag-unsa man sya diri?) Ate: Atubanga na raman para magkaistorya mo og tarung day Luna. Sa akong kalagot duha ka plato ang nilupad paingon kang Ezio, buak! Hihihi joke, sa ako ranang huna2x ha. Kay galagot pa lagi ko niya, gakusmod ko niatubang niya. Naa mi sa sala. Naklaro nako iyang itsura, medyo namayat sya unya luya ang awra. Ezio: Kumusta naka? Ako: Maayo raman. Ezio: Suko paka nako? Ako: (Wa nitubag) Ezio: Sorry gang. Ako: Para asa paman na? Okay naman ko. Ezio: (Nidungo) Mapasaylo pako nimo? Ako: Unsa paman purpose anang pagpangayo nimo og pasaylo? Ezio: Mangayo ko og chance gang please. Ayuson nato ni, dili jud nako kaya mawala ka nako. Ako: Ulahi na Ezio. Ezio: (Katuloon na ang luha) Buhaton nako tanan mobalik lang ka nako. Ako: Daghan namang chance na imo rang gisayangan, enough nato. Ezio: Wala nakay gugma nako? Ako: (Gitutokan sya, sa akong huna2x: Kung kabalo lang kang amawa ka unsa kasakit sa akoa ang panghitabo. Unya karon mangutana ka ana?) Ezio: Mahal pako nimo, kabalo ko. Ako: Wala kana laing isulti? Naa pakoy buhaton. (Pagahi pud ko oy) Ezio: Wala koy intensyon na pasakitan taka gang, maglisud ko'g sulti unsaon nako pag-explain sa imoha pero wala to nako tuyoa gang. Nagkamali ko gang, naulaw ko nimo. Ako: Mao ba na tong imong giingon kang kuya?(Brother-in-law) Ezio: (Nitutok nako) Oo gang. Sorry weak kaayo ko gang, pati sa pagsugal nadala ko. Nalooy kong Ezio, para ra baya diay unta nako ang iyang gibuhat pero sa iyang paglingaw2x wala na niya namalayan na dili na diay maayo ang iyang gipangbuhat. Pero naglagot naman pud ko kay nadumdoman nako ang reto2x lagi. Ako: Basi naa pakay wala nasulti? Ezio: (Confuse) Ako: Makigbalik ka nako unya unsaon nalang tong gireto sa imoha? Ezio: (Ningkatawa) Sila raman to mama ug auntie ato gang gasunlog2x gud. Ako: Wa diay ka moangay? Impossible sad, nakabalo baya ko. Ezio: Buyag oy, wa man gani ko niatubang ato. Ako: Ayaw ko atika! Ezio: Nagsulti ko sa tinuod gang, kabalo baya na imong pamilya about ana. Ako: (Nalipay pero wa gipahalata) Ezio: I miss you so much gang Luna. Ako: (Nilantaw sa gawas) Ezio: Gusto taka adtuon gang pero maulaw ko, basi makasamok ko. Gikulbaan ko atong sembreak kay waka niuli. Moadto na gyud unta ko nimo pero ingon sa imong kuya (Brother-in-law) na gusto sa imong mga igsuon pasagdan sa daw taka. Maong gihatagan sa taka og panahon. Ako: Naka-idea ba ka kung naunsa o nag-unsa nako didto? Ezio: Walay adlaw gang na wala taka gihuna2x, kung kumusta na Kaha ka. Mao wa ko kaantos maong diha toy time niadto ko gang, wala koy gisultihan nila. Nagpaagi2x lang ko sa inyong school pati sa imong boarding house mamasin na makit.an ka pero wala man taka nakita. Nahibal-an nako sukad atong pagbulag namo pirme ra daw sa ilang balay si Ezio pag walay duty. After atong nag-istorya sila sa akong brother-in-law didto na sya pirme mangutana ug mangamusta sa akoa, bale gapasekreto ra sya. Sige nag bisita si Ezio nako after atong pag-istorya namo. Usahay akong atubangon, usahay sad dili. Nahadlok ko basi utrohon ra gihapon niya tong iyang mga kabuang, moasa napud ko sa wala. Gipangsuot nako ang mga hinatag sa akong ate na mga damit like blouse na medyo revealing ug fit na mga shorts. Ipahambog sad nato atong hawak ug l*bot nga makawow ang makakita oy char hahaha. Ipagawas sad nato gamay atong dughan bisan dili mani ingon nga gifted atleast bintaha paman sad ni kumpara kang Senyora Santibañez.🤣 (Peace po Senyora ako kang giapil diri karon, follower baya ko nimo). Pasexy pud ta, ngano diay? Paegat2x pud ta panagsa. Maglaway ka Ezio! Merry Christmas! Pasko na jud! Ning-adto si Ezio sa balay, nagdala og foods, same as before tong kami pa. Iya kong gi-greet, ningresponse sad ko. Nag-istorya nasad mi. Desidido gyud sya makipagbalik sa akoa. Ezio: Gang please, balik nata. Ako: Dili pako makadecide, ayaw ko dalidalia. Ezio: I love you gang, maghulat ko. (Gikuha akong kamot ug gihalokan) Gisulit ni Ezio ang time na naa ko, mura sya nanligaw utro. Magdala sya permi og mga pagkaon, Bulak ra jud wa, hahaha ambot way uso bulak jud ning tawhana. Dec.31 mga alas Onse nato sa gabii, naa sya sa balay. Ako: Hoy nganong naa ka diri? Hapit na 12 midnight, magtabo sa bag-ong tuig unya wa ka sa inyoha? Ezio: Gusto taka makauban inig ka alas dose gyud gang. Ako: Dapat sa imong pamilya man ka, naunsa man ka oy. Ezio: I love you so much gang, gigakos ko. Ako: (Nakapiyong, namiss jud nako ning tawhana ba. Wa nako napugngan niresponse ko og gakos) Ezio: (Mas gihigpitan ang iyang paggakos nako) I miss you so much gang, please balik nata. Dili na nako kaya. (Hinay ang tingug, halata nga murag gahilak na) Ako: (Nahumok na jud ko, nakahilak na) I miss you too gang. Mahal taka. Nangayo sad ko kang Ezio og pasaylo naa sad koy pagkuwang. Gahi sad baya ko'g ulo unya dili pa ko ingon na matured mohandle sa among mga problema. Gitabo namo ang 2006 nga malipayon og nagahope nga this time unta maayo na ang tanan. Hopeful kaayo ko nga unta dili nasad masayang ang chance na akong gihatag sa iyaha. Anang panahona akoa sad syang giprangkahan nga dugay nakong nakafeel nga dili ko gusto sa iyang family. Naghulat ko nga moopen sya pero niabot nalang mi og 4 years wala jud syay gisulti nako. Dili lang daw sya gusto nga maworried ko maong wala sya nag open up. Nipromise sya nga sya daw bahala anang butanga. Nag oo nalang sad ko. School na ulit, busy na gyud kay magpasa na sa mga requirements ug padayun sa ojt. Gamay nalang jud makagraduate nako. Nadayun na gyud ang paglibre nako'g ice candy og mani sa akong mga friendship hahaha! Nabalik nasad ko sa dati nga kusog mokatawa og kung makipagkwentohan abi'g wa nay ugma gani, labaw sa tanan moinom nako utro og sprite, ngewks! Nawala na ang akong bitterness hahaha! Naa gyud naging papel ang sprite ba, pastilan! Si Ezio mas nadoble na ang effort, nibawi jud intawon. Mosipot lang og kalit, moadto sya nako pag diko makauli kay busy kaayo. Pag pwede ko makauli, mangita sya'g way para masundo ko, magmotor lang mi. Support lang akong mga amiga og akong pamilya. Nakahuman na gyud ko, yehey! Happy ang tanan labina na akong pamilya. Nihilak tawon akong mama, ningbyahe nasad paingon diri para makasaksi sa akong graduation. Syempre naa sad si Ezio, dili pwede wala. Nag-envite si Ezio, dalhon ko niya sa ilang balay, Woah for the ist time. Nagduha2x ko og uban, dili unta ko magsugot pero iya gyud kong gipugos. Nakulbaan ko, what if dili ko nila tagdon? Dili baya ko nila gusto. Thankful ko ky okay na ang iya family sa akoa, ila kong giwelcome. Nagluto2x mi ug didto ko naglunch. Wala na namo na-istoryahan ang mga niagi, mura lang og wala. Na-enjoy namo ang moment and ilaha sad kong gicongratulate. Thanks to Ezio and thanks to God, wala nakoy kagul-an. Nagcelebrate nami sa among ika 5th year anniversary. Malipayon mi pareho. Simply lang ang among celebration, Nangaon mi sa gawas, gawas sa balay sa akong ate hihihi. Nagbaberque mi, nagpa ice cream sad sya. Naa sad syay gift, ako wa hihi sorry. Nagtambay sa ko, pahuway usa kadali. Bantay mga pamangkin si inday Luna hehehe. 3 months after graduation nagfollow up ko sa akong mga credentials, nagplan ko mag-uli sa among probinsya. Mokuyog ko sa akong mama. Gusto unta mag-uban ang isa pero timing busy jud sya sa trabaho. Namiss sad nako among lugar, maong gusto ko mag-uban sa akong mama. Ang amaw na Ezio, gikuha akong mga papers, di niya ipadala nako kay basi daw dili nako mobalik. Dali rasad ko didto. Pagbalik nako ako nalang usa, iya kong gitabo sa pier, nibyahe pa sya'g layo para matabo lang ko. Higpit makagakos, abi og pila ka bulan wa nagkita. Ehem, nagch*ck in mi. Need sa daw sya magpahuway kay wala pa daw syay tulog. Nag-oo nalang pud ko. Gikulbaan pud baya ko nga magch*ck in mi oy. While galakaw mi padulong sa among room gigunitan niya akong kamot, oyyy higpit man kaayo. Ngano man ni sya oy murag sya man ang gikulbaan hehehe. Gikulbaan ba gyud o ekskayted na? Tentenenen! Pagsulod namo sa kwarto, igo ra gyud nasara ang purtahan mura naman ni sya og naunsa hahaha. Gihanggat ko nya'g sayaw, ofcourse nisugot ko. Dili sa pagpahinambog i'm a good dancer char! Nanayaw mi, pero kay wa man mi tugtog among sayaw, among kanta! "Pamela one, pamelamela one. Pamela two pamelamela two. Pamela one, igalaw ang katawan, pamela two ikembot ng ganito" Perti namong sayaw, PERO ATIK RA!!! Igo ra gyud niya pagsarado sa purtahan, Gisunggaban dayun ko. Maryusep Ezio mura ko'g malumos! "I'm never gonna dance again Guilty feet have got no rhythm Though it's easy to pretend I know you're not a fool". Oyyy nag-unsa man mi beh? Hoy hugaw mo'g isip! Hala, naa raba mga bata pa diri, kusion bugan beh! Sa tinuod lang wala mi nanayaw, kapoy sayaw unya way tugtog ikaw pay makakanta! Naa koy nasaghiran, hala unsa to microphone? Sa akong isip, Ehhh mokanta nalang ko beh bahalag yabag ko. Pwede sad ako nalang himuong amplifier sa iyang microphone aron mag sing along mi hahaha! Nagdecide mi ni Ezio na magdula nalang. Larong pinoy, "kingking cross". Yes, nag kingking cross mi sa akong gang Ezio hahaha! (Sorry, dula baya na sa mga bata, Mao lang na nga term akong gigamit aron dili ta mabunalan ni fb, strict baya kaayo sya hahaha). Mura bayag nakadaog og luto si Ezio hahaha! Opps, naay d*go sa beddings, puti pa raba jud ang beddings makaulaw klaro kaayo. Nakalaba'g ahat si Ezio oy hahaha. Gibasa ug gikusot niya'g pinaabtik sa cr ang part sa beddings na naay d*go. Dili lalim ning ist time nato sa isa ka dula, sakitan man diay ta ug pamaulan.🤔🤭 Gipaningot mi ug gihangak oy. Uhaw pud intawon, ta inom ta'g sprite.😜 Nakawork nako, layo2x gihapon sa among gipuy.an. Smooth ra ang tanan labi na ang among relasyon ni Ezio. Pero naa gyud gihapon ang mga lalis, ang di pagsinabtanay ug ang selos2x ek ek. Nigawas man ang pagkaseloso sa inyong uncle. Medyo nagmatured nako aning panahona the way ko mohandle sa mga issues namo duha. Mas dali nalang namo masulbad kung unsa ang problema. Moduaw sya pirme nako unya ang kingking cross, unlimited na hahaha! Sige na syag sulti magminyo nami, pero ako gaduha2x pa kay bag-o rako nakahuman og gusto pako makatabang sa akong pamilya. Sige sya'g ampo na unta mabuntis nako, ako pud kay moampo na unta dili pa kay unsaon nalang wala pako kaayo nakatabang sa akong side. Sige sya og monitor sa akong buwanang dalaw. Madelayed ra ko'g pila ka adlaw ipapalit nako niya'g pt hahaha. Dugay2x nako sa akong work, dugay2x nasad mi'g kiningking cross wala japon ko nabuntis, ayay member man kaha ni si Ezio sa Wise guy! Sige na jud sya og pamugos magpakasal nami, makita nako sa iyaha nga kaminyoon na gyud kaayo hehehe. Pero sa akong kabuang akoa syang giingnan, MAGPAKASAL RAKO NIMO KUNG IMO KONG MABUNTIS. Nalain baya si Ezio, obvious gyud nga nasakitan sya sa akong gisulti. Hahay Luna, imong baba day! Nadelayed nako'g 5 days og naa nakoy laing nabatyagan like sigeg kutoy akong kuto2x. Nanawag kong Ezio og iya dayun kong gipapalit og pt. Hapon man to maong niingon ko ugma nalang ko mag pt kay ingon nila nindot daw pag buntag. Pero ang Ezio dili makahulat. Maong wa koy nabuhat nag pt nalang ko, positive! Nanawag dayun kong Ezio, nakulbaan ko nga ekskayted! Ako: Gang, lakas jud ka ni Lord. Ezio: (Halata nga excited ang tingug) Positive gang? Ako: Tatay na jud ka gang! Ezio: (Nagkabulol)Tarung ba, Tinuod gang? Ako: Lagi! Ezio: Yes! thank you Lord! Congrats natong duha gang! Ako: Dili jud ka wise guy gang! Ezio: (Nibuhakhak) Nibyahe dayun siya, iya kong giadtoan dayun. Perti gyud niyang gakos nako. Iya kong gipacheck up. Dihay gireseta ang Doctor. Mga 2 months na to akong tiyan, nagspotting ko. Nanawag dayun kong Ezio. Ako: Gang naa lagi dugo sa ako p*nty? Di ba kaha ko makuhaan ani? Ezio: (Nalisang, wala syay masultihan kay sya ra usa ato sa ilang balay. Tungod sa iyang kakulba nagdagan-dagan sya paingon sa balay sa akong ate). Imbes dungan na namo isulti na buntis ko, kanang makauli ko nasulti na nuon niya kay nahadlok sya abi'g makuhaan ko. Nag-istorya mi sa akong ate. Naulaw pako kay lagi nag-una2x nami'g buhat og bata ni Ezio. Gicongrats ko niya og iya kung giingnan dili mabalaka kay okay ra kaayo nila. Siya nalang sad nagsulti sa uban namong igsuon. Nagdali2x og byahe si Ezio, pag-abot iya dayun kong gipacheck up. Naguol gyud kaayo sya pati ako gikulbaan, ist time nakong magbuntis maong wala pako kabalo sa mga buhaton. Ingon sa Doctor okay raman daw. Iya kong giresetahan og pampakapit kay nag-ingon man si Ezio na iya kong dalhon pauli aron didto nako sa amoa magrest. Nagleave ko sa trabaho. Fastforward: Nagpakasal ming Ezio, saktong ika-9 years sa among panag-uyab. Simply ra among kasal, malipayon kaayo ming duha. Nakahilak ko sa among vows, nahinumdoman nako among mga kaagi. Nisamot ko ka emotional kay lalum kaayo ang english man oy. Tagalog man gud to akoang gisulat pero akoang gipatranslate sa akong bff kay wala lang, feel ko lang hahaha. Naunsa man nga maglisud naman nuon ko'g sabot sa akong gibasa hahaha. Mayra! Pasosyal man, tagam! Charot ra bitaw oy! Dili perpekto ang kaminyoon, dili tanan higayon naa kas alapaap gaduyan2x. Daghan gihapon mi og naagian ni Ezio sa among relasyon bilang mag-asawa. Dili mawala ang problema ug mga pagsulay. Akong gikapasalamat, strong ming Ezio. Among gipanindigan ang pamilya nga among gibuo. Karon paba mi mosurrender nga naa nami mga anak? Si God ang among gihimong sentro sa among relasyon ug sa among pamilya. Taas pa among suungonon ni Ezio ug sa among pag-atubang niini enough strength and guidance lang gyud ang among pirmeng ginaampo nga ihatag sa Ginoo sa amoa. Sa nature sa trabaho ni Ezio, dili lalim. Bilang asawa niya dili mawala ang kahadlok. Pero gisalig nako sa Ginoo ang tanan nga gabayan niya pirme ang akong bana. Swerte ko sa akong bana og kontento na kaayo ko kung unsa iyang makaya i-provide sa amoa. Maayo syang bana og amahan sa among mga anak. Bisan gikapoy sya gikan sa duty, motabang gihapon sya nako sa mga trabahoon sa balay. Laba ug luto, motabang sya. Mas lami pa gani sya moluto kaysa nako hahaha. Mag-assist sad sya pag magmodules ang mga bata maong magaan2x gyud ang lihukon pag off sya. Gipaundang nako ni Ezio og trabaho, nagsunod2x man gud ang among mga anak. Paspasang Ezio oy, hahaha! Gusto niya ako mismo ang mangunay og atiman sa mga bata. Sa side ni Ezio, okay kaayo mi. Thankful ko kay bisan sa primero wa ko nila nagustohi bawi man sad karon. Gipangga ug gimahal ko nila susama sa pagpangga ug pagmahal nila kang Ezio. Hilabina ang among mga anak mahal na mahal sila sa ilang lolo ug lola. Sa mga kabataan diri nga gabasahan, ayaw pagdali2x anang gugma. Moabot rana sa tamang panahon. Dili sad baya lalim base sa akong naagian kanang dili ka pa gyud kaayo ready mentally ug emotionally. Abi nato tama ang atong ginabuhat, tungod sa gugma kunong nag-uros2x dili na nato mamalayan na naa natay mga lapses nga pwede maapektohan ang mga tao nga duol sa atoa, like family nato especially ang atong mga parents. Sila baya ang ang unang masakitan kung naay dili maayo mahitabo sa atoa. Paminaw mo sa inyong mga ginikanan. Dili man kasing-nindot kumpara sa uban ang among story ni Ezio unta naa gihapon moy natun-an especially sa mga kabataan nga nakabasa niini. Ayaw sad baya ninyo gayaha inyong auntie Luna ha nga nienter anang butang na para lang unta sa gikasal na. Ayaw sa intawon mo pagkingking cross. Daghang salamat sa naghatag og time sa pagbasa sa story nga akong gishare. Sa mga admin, thank you! God bless everyone! Dinhi nalang ko taman, Luna.