#TemporaryRaTanan
Good day readers ug sa admin natu diri. Avid reader ko ani nga page. Pasensya haa kay first time jud ni nakung nabuhat.About ni sa story namu sa akong Ex Four months na ming buwag. So mao ni paila sa ko I'm Mary (not my real name kay sos ko mailhan kos mga kagwang naku nga friends tig basahan pod biya to dri haha) If ever mailhan man gani ko ayaw intawn kog e mention. 23 years old ug Taga Naga City, Cebu ko. And Criminology graduate ko sa Professional Academy of the Philippines (Hi PAPIANS hehe). Cge sugod nata.
Nagkaila mi sa akong Ex First year college 2nd sem. kay transferre ni siya gikan UC. Ato siyang panganlan ug Carl. Kani si Carl first impression naku niya kay "gara, bulah-lah kayg babah ba pero nausab ra kay pag second year college nagka classmate mi sa uban Ka subjects nya nagka suod mi gamay ug didto ko naka ingun nga buotan diay siya. Magka sugat mi usahay sa hallway magtagad mi kay hinagad kaayung kagwang nya iyang tawag naku permi ka "inday". Nya naa ni siyay uyab education ato nga time.
Mao to fast forward ta 3rd year college nami nya basta crim ka naa jud nay training kong ganhan mag officers. Mao to gi hanggat kos kagwang nga manulod mig offficer so nang training mi. Sos dangtan ug pila ka months nahibong mi ga luya man ang kagwang haha. Magul-anon pa kaayu. Mao diay gabuwag daw sila sa iyang uyab. Kami classmates nya nga officers tudo cheer up niya nga "Magk balik ra lge mo, sayang biya ayy dugay napud mo". Mao ni tubag siyag "dili na oy. Ganhan mo nga kong mamisita kos ilaha naay laki pud nga mamisita nya maabtan nku silang duha sa sulod sa kwarto?". Mao diay dili pud na maayu oy. Mao to didto ga sugod nga e tupo2 naman hinuon ming duha sa mga classmates namu nga officers. Mao to didto nagka developay amung kasing-kasing Chaarrr haha.
Nanguyab siya sugod Febuary, buotan pa kaayung kagwang. Magpaabot sa gate gawas sa school kay lge dunggan daw mig sulod. Siyay tig dala sa akong rifle permi haha kay buddy mis training man. So mao to kuyog kaon sa canteen chaar hahaha akoy tig dalas rice siyay tig palit sa sud-an hahaha. Mao to pag July 22, 2017 gi sugot naku official nami. Nya pila ka months ang nilabay okay ra ang dagan sa amung relasyon. Until naabot ang time Intramurals sa among school. Naay daghang activities, games nga himoon. Pagka human sa intrams back to school na. Mao to nang hulam kos iyahang phone. Sos ko dli man pahulam. Kay mao diay naay gi tago. Naa siyay pictures kauban ang Kolera nga Education ang course pero dli ni mao katu iyahang Ex haa. Mao to gi confront nku siya. Ako siyang g ingnan nganung naa man moy pictures duha? Ana ka friend ramu ani? Unsa mani Carl??? Iyahang tubag nga binugo bitaw mao ni ayy "wla rana oy, charchar raman ko na inday." Pangutan.on tka Carl, Asa padung ang charchar??? Wla siya ni tingog. Ga hinoktok ang kagwang. Ako siyang g ingnan mag buwag ta oyy kay kong tinud.anay nang imoha dri naku Carl dli ni nmu mabuhat naku. Wla siya ni sugot. Ni ana siya "sorry inday. Ayuson lge kuni tanan.
Mao to sunod kita namu, nangayu siyag sorry then ako pud nga marupok gi dawat ug nagka okay ming duha. Until nang Graduate mis College oky ra ang dagan sa amung relasyon. Open nami both side sa amung pamilya. Maka laag ko sa ilaha ug maka laag pud siya sa amu. If mag lain iyang lawas mo adtu ko kay lagi apyogona ug lawas tawhana dali kaayu mapiko jud. Nya kong naa siyay labhunon akoy mo laba nya siya dula ranag ML grabi pinangga jud kay lagi Love kaayu naku chaarr.
Febuary 28 nka work ko sa Lapu-Lapu sa Gaisano Capital. Need ug time management kay lge 12 hours akong duty. Nya siya ato nga time naa ras balay kay wla paman siya ka trabho. 1 hour akong break mag dali2 kog kaon ana para naa pakoy time mka commu niya. Sa 30 mins nku nga ting snack still mo commu ko niya. Nig 9pm out na nku mo tawag ug mo chat gihapon ko niya. Gusto nkung ipa feel man gud niya nga bisag lagyu ming duha naa gihapon koy time niya. Kay lgi love kaayu nku dli ko kapoyon buhaton na.
June nag hiring mi nya ni apply siya. Nadawat so workmates nami. Happy kaayu mi kay magka kuyog nami but gool pud kay bawal manag uyab didto so gi tago namu nga uyab mi pero sa mga suod nku nga kaila dri sa Gaisano kahibaw nga uyab mi. So mao to wala pay 1 month siya didto haa naa nkuy nadunggan storya nga naa siyay g ka charcharan cashier pa hahay. Gi confront nku siya, iyang tubag dli kuno tinuod. So cge. Until one time nag away mi niya. Wla mi ga dunggan ug uli. Ni uli siyag una. Sakit biya pero gi agwanta ra naku bitaw hahay.Mao to na una kog abot sa BH. Wla paman na abot ang kagwang. Pagtaud na abot. Wla mi tingganay until buntag. Sakita lge ingun ana.on nga nangatug mong wala nagka okay. Mao to duty nasad. Sos ko Ginoo naka dunggog kog storya man gkan saakong suod nga amega ka trabahu rapod naku nga nakit.an daw niya si Carl nga ga kuyog ug ang cashier gi hatud pa daw sa boarding ang babae. Hahaay pagka sakita wala ko kasabot sa tama atong time'ma. Ni huot akong dughan, ni tulo akong luha. Mao to pag uli nku tungod sa akong kalagot pag abot sa boarding gi hapak nku siya sa bag nga gi dala naku. Bug.at jud to baga ba kay dghan tong coins sulod plus cp pa naku haha. Gihapak nku sa iyang nawng ug boom sapul kaayu. Gi pangutana nku siya. Nganung nabuhat ni nmu ha???? Iyahang tubag ayy "Wala ko nag buhat ana' kinsay ga sulti ana!!?" Ayaw kog buanga Carl. Pwerti nakung hilak aning time'ma kabalo mog nganu? Kay ni baws siyag dapat naku. Gi suntok niya akong bukton. Sakit lang kaayu ba nga akong pamilya wla ka dapat nku pro siya yanu ra kaayu. Oh nanapat ko niya pro pila raman intawn ang gapa sa babae oyy. Lami na kaayu siya buhian. Pero dli nku makaya. Mao to mo duty ko nga naay lagum sa bukton nga hubag kaayu akong mata. Nyaa mo duty sad siya nga wala mi tingganay duha. Nya wla npod ko nka dunggog ug storya about atong cashier sad haha patay na guro(Joke). Mao to nagka okay mii duha pro dli biya n malikayan nga naay away sa sos kong mag away mi cge naman lng ug panapat. Wla pa gani maayu akong lagom naa napoy lain. Sakita oyy kana bang dli siya kaagwanta nga dli maka dapat. Iyang mga storya bitaw nga mga sakit? Tanan nga balikas nya storya na sulti na niya naku. Nausab na jud siya. Or mao jud ni iyang tinuod batasan ba. Sakit kaayu ba nga imbis gihigugma nku siya, siya na hinuon ang tao nga akong g kahadlokan.
Tungod sa iyang g pang buhat wala nkuy gana mo duty. Hubag lang permi akong mata. Mao to wla na jud ko kaagwanta g ingnan nku siya nga mo uli naku. Mo undang nakus trabhu. Sos ko Ginoo ni luhod-luhod man hinuon sa akong atubangan ug ni gakos sa kong tiil nga naghilak. Mao ni storya niya ayy" inday sorry dli nku makaya nga wala ka. Maghikog jud kog mo uli ka cge bya'e ko". Ana ko usba imong kaboot Carl. Siya "sorry sa tanan inday". Mao to wla nku ni uli. Grabii bugu'a naku saa hahaha. Love man gud bisag unsa ka demonyo Love jud kaayu naku hahahay.
Mao to smooth balik amung relasyun. Wla na mii ga away duha. Naa mn gani pero kadiyot ra ma okay ra dayun. Ug gatuo jud ko nga dili na siya manapat ug gatuo jud ko nga dli nasad siya mag binuang hahaay. Mao to naabot ang time nga nang resign nami kay need ming mo take ug board exam. After sa board exam January 11 Kasal sa akong ate. Pares paming duha Groomsmen siya ug bridesmaid pud ko. Happy pa kaayu. Dagku pa kaayug ngisi hahaha. Tinuod jud diay ilang sulti nga basta magpares mo sa kasal dili mo magka dayun hahaha.
Mao to after sa kasal ni apply siyag trabhu ug naka sulod dayun. Sa Lapu-lapu gihapon. Sa Lanueva. Nya ako ari raman ta ko sa Naga mangapply kay di gusto c mama nga malayo ko chaar. Pro lagi ni hangyu ang kagwang nga "inday adtu lng apply oy kuyog ta ba, di ka malooy naku ako ra isa didto". So mao to ni apply ko didto. Luckily naka sulod ko Gaisano Grand ko.Mao to sugod nkug duty nya hasta pud siya. Inig uli nku sugaton ko ana niya permi. Mao to di jud malikayan nga naay bikil gamay. Naa mi gi awayan ato nga time. Sos nag tuo kog dli na siya manapat. Mao raman diay gihapon gidapatan ko niya. Suntok napud sa bukton. Mo sukol ko niya pro kambras ra jud ang mahimo naku niya ug sagpa mao ra. Ug tungod sa amung away tungod sa akong kalagot gi punit naku ang kutsilyo bitaw na ug hapit nku siya dunggaba. Pero kabalo mo gi unsa niya iyang g ilog ang kutsilyo ug akoy gi hanaan ug dunggab. Gi ingnan nku siya ato nga " cge patya ko! Patya ko Carl!!" pero wala ni gakos siya nku nga gahilak nga nangayug sorry nga pasayloon siya sa iyang nabuhat. Ni itom kuno iyang panan.aw ato nga time.
Didto ko nka realized nga kong mao ni akong makadayun akoy makalolooy. Mao to wala ko ni duty ni undang ko. Gi kapoy ko akong pamilya wala ka dapat naku pero siya yano raman kaayu. Wala niya makita tanang effort nku niya. Mao to nka decide ko nga dli naku. Ni uli ko nya siya bilin ra. Dli unta siya mo sugot ni luhod, nya pakilooy mao jud na permi niyang buhaton. Ako siyang g ingnan nga mo balik ra lge ko. Need lang tag space duha. Mao to ni sugot siya. Kahibaw mo bisag ingun ani iyang kaboot tungod sa akong kabugo love gihapon nku siya ug wala gihapon nku siya buwagi bisag demonyo na kaayu siyag binuhatan dri naku but still hoping nga mausab siya.
So mao to ni request siya nga ebilin lang nang phone nmu inday kay guba man akong phone para naa tay commu duha ug laay kaayu wla nakuy madula.an ug ML. Mao to gi bilin naku. Nauli ko nga naa gihapon mi commu. Usahay mo leave siya nya mo laag sa balay. Nya usahay pod manawag siya mo ana nga galain iyang lawas. Maong ako siyang adtuon dal.an ug tambal. Nya mang laba sa iyang mga labhanan. Nya human nig ka okay na niya mo uli kos amu.a kay na mapatyan kong mama hahaha. Mao ni uli ko nya nig out niya mo tawag ko niya. Kay gi mingaw ko niya nya mangumusta niya. Until one time naka hunahuna ko dli naman kaayu siya manawag nku. So ni tawag ko niya. Kana bitawng mailhan ug ma feel nmu niya nga gi kapoy siya. Nga wala siyay gana makig tabi. Sakit pod biya ayy. Taga tawag naku mo ana siya nga "gi kapoy ko sa trabhu". Nya mo ana ko cge pahuway sa dha. Mao ra jud na permi akong madunggan niya. Mo ra siyag nawagtanang ug gana. Mao to nanawag ko niya gabii to. Pag tawag nku ni ana man nuon nga "mang laba paku, nya human ma tulog kay g kpoy kos trabhu". Diri ko na salta nga ahh! Sa 8 hours nga duty naa moy break 1 hour dba? Ayaw ko ingnag sa tibook 1hour ga kaon ka ana!! Ako gani sauna sa 12 hours duty nku sa Gaisano naa paman gani koy time mo commu nmu!! Iyang tubag ana tanan nkung yawyaw mao ni ayy " kapoya nmu oyy! Sabaa nmu oyy. Kapoy kaayu cgeg paminaw sa imong yawyaw. Maypg dli k manawag kong magyawyaw ramn diay ka". Sakita sa dughan oyy ingnan kag ingun ani baa. Ga effort kog tawag niya kay gimingaw ko pero mao diay ni iyang epang sulti. Samot nag ingnan kag " Pawnga ni oyy, ayaw na panawag. Bahala nka diha". SAKITA!!! Mao to gi ingnan nku siya. Ga tulo akong luha ga sulti ato gud. Cge Carl ayawg kabalaka sugod krun wala nay Mary nga mag samok -samok nmu. Amping dha haa. Cge salamat sa tanan Carl. Then g off nku ang tawag dayun hilak ko tibook gabii waaah ka sakit. Sakit kaayu nga sa kadaghan na sa amung naagian nga trials dri nlang jud mi kutob waaah sakita. Sa kadaghan sa among mga pangandoy sa kinabuhi wala na finish na hahay.
Then 1 month ang nilabay magic kaayu kay naa na siyay uyab cashier sa iyang g trabahuan. See? Mao diay na usab kay naa na diay lain.Pero okay ra kay bisag gamay wala koy pag kuwang niya. Bisan pag manapat siya naku wala ko mo buhi niya. As a girlfriend na gampanan nku tanan ug nabuhat nku tanan para niya. Basin gusto lang pud sa ginoo nga dli ko mapunta sa ingun ato nga klase nga tao. Sakit pa biya pero lisud na kaayug ayuson pa. Mo chat pa siya naku gustong mo ari sa amu.a pero dli naku. Sakto natu tanan nakung pag antos niya. Akong phone iyaha natu oyy hahaha.
To Carl,
Salamat sa 2 years and 9 months haa. Sa 2 years wala jud ko kasuway nga ni cheat ko nimu. Wala koy pagkuwang nmu kahibaw jud ka ana. Pag tarung nas kinabuhi nmu kay tiguwang naka mo 27 na gud ka syaru di paka mag matured ayaw na pag binuang ug tao. Diba nangutana ka nku kong wala bko sayangi sa years nga atong naagian?? Ouh gi sayangan ko Carl pero saktu natu tanan nakung pag antos diha nimu. Kahibaw kong kalipay na nmu imong gi buhat ron maong gi supportaan tka. Happy ko ninyung duha ug sa nahitabo ron nmu nga naa nay lain nga mo amping nmu. Amping haa kay Kalipay nmu permi akong gi hunahuna. Godbless.
Sa tanang Marupok diha? Save yourself kay dli maka matay ang walay uyab hehehe. Thank you sa pag basa. Lovelots xoxo
Mary 🖤
No comments:
Post a Comment