Anino ng Nakaraan - (Ongoing)

 

Part 1: Hello sa tanang admins, ug sa tanang detective Conan diring dapita. Hayaan nyo po akong ishare ang kwento ng aking buhay. Sa mga dili ganahan aw wala maniy pugsanay. May kanya kanya naman tayong taste. Bitaw dugay naman ni nako na type naka save lang sa draft. Pero nawala man akong cp. pero ok lang kay ang uban man didto Tikal. Kay lagi mahadlok ko nga naay makaila nako. pero karon lakas na loob ko.

ang totoong kwento ng aking buhay.

At the age of 17 nanarbaho ko as an old sitter somewhere in Mindanao. Isa ka bedridden ako alaga lalaki. Unya ang asawa sa ako alaga tawgon natug Lola-V buutan kaayo, pero ang manghod ni lola murag c Miss Minchin maldita kaayo nakasulay jud ko ug kaon tide bar nga gisawsaw sa tubig, powder nga sabon gikutaw sa baso ug pan os nga kan on may unta naay sud an pero wala basta init iya ulo ako jud iya makit an dayon. Duha mi ka helper, pero ako alaga lang ug tigulang ang isa sa balay unya naay duha ka labandera. pero pag tulog na ang tiguls mutabang ko ug limpyo sa balay. Dili man gud makaanak c Minchin kay baog mao ng init kaayo iya dugo sa ako unya gwapo pa jud iya bana.

After pila ka bulan namatay ako alaga, sa last nga haya ila kong gipakanta ug

""Kordero ng Diyos"" kay mao mana ako pirmi ginakanta sa ako alaga para makatulog xa.

Nag stay pako ug pila ka bulan sa ila kay maoy gusto ni lola para naa daw mag hatod sundo sa ampon ni Minchin sa school. Pero nag decide ra gihapon c lola nga ipadala ko sa Manila sa iyang isa ka manghod kay naluoy na xa sa ako. Makita man gud niya unsaon ko pagtrato ni Minchin. Dili man adlaw adlaw pero usahay init iya ulo kalitan rako niya ug hapak sa likod iyabo sa ako nawong ang pan os nga kan on bisag dili ako ang toka sa atong trabaho kay sa bata nako. Naa pod nga iya kong gitawag kay para lang ipaslak sa akong baba ang bulok nga star apple. ako ra daw gisayang sayangan. malay ba nako sa star apple nga dili man ko tig open ug ref. lami kaayo isukol lagi.(Pero para walay ikasulti mutabang jud ko sa balay . But an kaayo xa sa ako kauban cguro kay bisaya ko unya ako kauban Chavacano parehas nila ay ambot uy pero buutan pod ako kauban.

18 yrs old ko naabot nako sa Manila sa manghod ni lola. OK pod cla ug batasan lalo na ang mga anak pero ang bana kay wakang (intsik) may pagka manyak. kas a gisugo ko sa mayordoma papangutana kay sir kung unsa ang gusto niyang sud an, iyang tubag ""ikaw ang gusto kong ulamin"". (Lami kaayo lumsan sa isa ka mangkok nga sabaw lagi)

Sulod sa isa ka tuig nga nanarbaho ko sa ila puro kamanyakan ang ginapakita ni sir sa ako. Isa ka gabii dinner time na gisugo ko ni ma'am nga maghukad ug kan on, unya xa nag prito ug tokwa nagdabog dabog xa kay suko sa mayordoma gagmay daw ang slice sa tokwa. Iyang gikalit ug hapak ang kawali nga kusog, nayabo gud ang kumukulong mantika sa ako, tibuok jud nako legs gikan sa taas sa tuhod padulong sa tudlo. Ang ako suot ato kay palda short mao to paslot jud ako legs gabiing dako nako nadala sa hospital pag abot sa mga anak nadungog nila gahilak ko sa kwarto ila kong gidala sa Makati Med kay walay pakialam si madam. ug pag abot sa hospital ambot unsa tong giyabo sa ako legs kay bugnaw man nawala ang sakit. Ingon pa ang doctor 2nd degree burn daw. Nangutana pa ang anak sa ako amo kung mawala paba ang peklat pero wala ko kadungog sa tubag sa nurse. Sad kaayo kay nadaut jud ang ako panit. hamis unta kong wala lang peklat agi sa paso. mga pila ka adlaw nag long distance call ko sa Z.C Gipahibalo nako kay lola-V ang gibuhat sa iya manghod kabalo ko wala tu tuyua, ang ako lang gika hiubos kay wala xa pakialam nga iya man tung sala. ako pod gitug an nga manyak c sir. Gitambagan ko ni lola-V nga muhawa nalang. So mao tu niuli ko saamo.

Pipila palang ko ka adlaw sa amo nag stay gibati nako ug kalaay, nangita ko ug trabaho ug kay barato raman kaayo ang sweldo sa isa ka saleslady nangita ko ug trabahong fit sa akua gusto jud ko ug care giver tibuok pa ang madawat nga sweldo. Nakakita ko ug nanginahanglan ug old sitter bedridden napod lalaki ang bantayan. Nisugot ko kay maluoy jud ko ug mga tigulang. Pagsulod palang namo sa kwarto sa tigulang kay para tudluan ko unsaon pag taod ug tangtang sa catheter pati napod sa schedule sa tambal, pero pag sulod namo patay na ang tigulang.

Nag stay pako sa ako bag ong amo kay respeto nalang sa patay, pero wala gihapon ko ka antos kay ang ako amo lalaki ug iyang anak lalaki lain ug tinan awan sa ako,usahay naa ko sa lababo mabigla nalang ko kay naa na diay sa akong luyo ang anak nga lalaki usahay pod makamata ko kadlawong dako kay mukalit ra ug abri ang purtahan sa akong kwarto. Mao naka disisyon ko nga muhawa nalang wala na nako gihulat malubong ang tigulang dili bitaw sa balay gihaya.

Yr 2001 gi recruit mi sa taga amo ra pod para manila manarbaho daw ug factory. 3 mi ka babaye ako manghod baye amo silingan baye ug isa ka lalaki. Pag abot sa manila gihiwalay ming upat nakahiwalay ko sa ako mga kauban. Ang ilang amo kay buutan ra kaayo daghan pod sila mga kauban halos kababayan ra tanan kay ang ilang amo ug akong amo taga Z.C pod diay. nya ang akong nabutangan kay pila rami kabuok babaye ug lalaki na tanan. Mura pod ug Minchin ako amo maryoness wala jud koy swerte. Naa dayon ko nakasuod lalaki si Greg, partner mi sa trabaho. Sus pagka dakong dimalasa man gud nako ug amo. Pirmi ko initan sa ako amo babaye kasab an ko atbang sa ako mga kauban nga pulos lalaki raba tanan. Matingala nalang ko unsa ako sala nahimo. dibale unta ug dako ang sweldo nga 1k ra kulang ra pang napkin shampoo sabon ug para sa ilok. Kining pag umangkon sa ako amo nangulitawo nako ug akong gisugot maskin dili ko gugmaan niya kay lagi udyok pod sa iyang ig agaw baye. One day nanuroy mi kay manan aw kuno ug sine, tunga tunga pa gani sa Salida, iyang kamot lihukan na kaayo nikalit ra ug agbay sa ako ug gikumot akong yotots, nabigla ko sa iyang gibuhat nigawas kos sinihan nga wala gitiwas ang palabas, nisunod pod xa, hilom rako kaayo nga kahilakon. Nagtambye mi kilid sa Mall (while nag ihap sa mga tawo). Nananghid xa nako nga naa lang xa paliton ako gahulat kay basin diay ice cream or burger kay gutom na biya unsang orasa pami nanglakaw ato. Sus pagbalik niya kay snowbear ang gidunol sa ako samot ug ka warshock akong dughan pero ako nalang pod gidawat. Nanguli mi nga walay tingganay wala koy gawas sa kwarto gahilak rako tungod sa iyang gibuhat. I have never experienced nga naay maggunit sa ako kamot unya xa? it was easy for him to do that to my precious Ball?. Yes we're in a relationship but I don't love him and he knows naman kay ako man giingon sa iya ug ok ra niya. Nakigbulag ko niya kay lain man sa paminaw nga mag I love you xa pero ako diko feel nga mag response sa iya. Didto nag start nga nasuko sa ako ang iyang mga ig agaw kay kuno nganong gibulagan nako ilang ig agaw. (Pero ang tinuod naa jud koy nagustuhan umpisa palang kawork sa ako manghod igsoon sa bestfriend sa ako uyab)..

Nakig storya sa ako ang cousin sa ako uyab nga balikan daw nako ilang cousin kay magsigi nalang ug inom hilak. Ug kay naluoy pod ko nakigbalik ko niya. Pero ang ako feeling sa ako crush nga si Arch nagkalalom na. Isa ka buntag Pagmata nako, gibalita nila sa ako, nag away daw c Arch ug ako uyab, kay diay nitug an c Arch nga naa xay gusto sa ako. Nalipay ko sa ako nadungog kay mutual diay among feelings pero dili pwede kay naa koy uyab. Pag magka salubong mi Igo ra xa mutan aw sa ako , gahulat jud ko nga xay muuna ug tingog. pag sa layo magtinutukay ra pod ming duha. first time first love.

While break time namo nag tan aw ko ug basketball sa gawas, kay sa tapat sa shop naa may basketball ring para kalingawN sa mga trabahante. Wala ko kabantay apil diay c Arch, nilukso ako heart paglingi niya sa ako. pag shoot niya sa Bola nitan aw xa nako ug gikindatan pako. Happy kilig pero may kirot kay dili pwede nga magka kami. One day trabaho nami ingon c Greg nga muhawa na daw c Arch dali dali ko ug gawas nakit an nako xa gatindog sa gawas sa ila shop while nag atubang sa amo shop, igo ra nitulo akong luha nagtan aw niya. Kung pwede lang unta maghigugmaay mi pero nganong bawal man. Mas nisamot nuon ug agas akong luha tungod sa music sa shop murag gituyo jud sa iyang mga kauban nga kato ang ipatugtug. ""Just tell me you love me""

(itype pa unta nako ang lyrics pero nitulo man akong luha, oa kaayo)

dili man gud lalim nga gugmaan mo sa usag usa pero dili pwede nga mahimong kamo.

So continue ta, pila pa ka minuto nga nagtinutukay raming duha ayha xa nilakaw. Mentras nag trabaho ko gasigi rako ug hilak sakit man diay mao diay na ilang ingon dili lalim mahigugma. First love first heart breaks pajud nako. Mga pila pa ka adlaw sukad pag Hawa ni Arch naka decide ko nga mutakas kay dili napod nako kaya ang batasan sa ako amo. OK ra cguro kung kasab an ko pag makasala ko. ang dili lang jud ok para nako, pakaulawan ko niya atubangan sa daghang tawo, tudlo tudloon ko nga gigil kaayo xa sa ako. mangutana nalang ako uban kauban unsa daw akong sala nabuhat. (sala ba diay nako nga gipanganak kong gwapa). 1:00 am nitakas ko wala rako nabalaka sa ako manghod kay buutan ra kaayo iya amo unya tanan kauban niya kay kababayan ra pod namo. Naabot ko ug Q.Z nga ang ako kwarta 50 ra. While naghulat nga muhayag naglingkod lingkod sako ug nangape. While nangape ko nahinumduman nako ang akong kaagi sa mga niaging employer nako, ug ang akong kaagi 15 yrs old ko. Narape ko sa isa ka 62 yrs old. Kay working student man ko tig ulian rako sa amo tawid dagat pa jud. sa dihang pabalik nako asa ko nag stay naka encounter ko ug tigulang mao ra ako nahinumduman kay nakamata ko naa nako sa iya kama ug wala nako sanina naka sando nalang ko. Kung paunsa ko nakatakas? wala ko kabalo. Basta ang nahinumduman nako kuyog mi sa ako amo sa presinto. pero ilado diay ang tigulang didto sa lugar. Ug wala ko tuhui sa mga pulis, kahit na ako amo naay pagduda sa ako. nisugot ko nga mag pa medico legal, kay abi nako igo rako I examine, wala ko kabalo nga maghubo diay ko ug akong pwerta ang tan awon. ulaw kaayo kahit na kami ra tulo ang naas kwarto, ako amo baye ug isa ka doctor lalaki pa jud. ug kay ilado man ang tigulang sa presinto nag shake hands pa cla sa mga pulis. unya ang mga tinan away nila naay meaning. walay nahitabo sa among blotter. Wala nalang pod nako gipadayon ang kaso. Kay ulaw na kaayo. ug ayha palang nituo ang ako amo sa dihang nigawas na ang results sa Medico legal. Nagpasalamat ra pod ko kay wala pako gidugo atong edara. Ila kong gipugos nga ituloy ang kaso, pero wala nako naminaw, kay umpisa palang wala na silay salig sa ako, nawala na akong kumpiyansa.

Mao na ang akong kaagi atung 15 lang ko dili kumpleto kay dili nako kaya, pero ang apelyido sa lalaki dili nako makalimtan. Kanang hitabua akoa rang mama ang nakabalo ug pati akong amo.

- A38

Part 2: Niadto ko sa magulang ni Greg kay iya ko ipasulod ug trabaho.

Ff nakasulod nako ug trabaho sa lugar sa mga ""ala eh"" kaso ang ako gi expect old sitter ko kay maoy sabot namo. pero pag abot didto kusgan pa sa kabaw ang akong bantayanan tigulang na babaye 75 yrs old. Nalingaw nalang pod ko kahit na probinsya. Dako kaayo ang balay ni lola-L nya kami rang duha, kay ang mga anak sa manila nanarbaho, mag ulian ra every Saturday ug balik rapod ug Sunday sa hapon. Ang akong buhat kay mangahoy mi, mag guna, magbugha, usahay suguon pod ko ug suga sa baka (unsa ba ang suga sa bisaya?) ah basta dad on nako kasagbutan ug ihikot unya kuhaon balik pagka hapon. ang balay ni lola-L napalibutan ug orchids puro orchids sulod sa gate. sa gawas daghan punuan sa mangga, santol bayabas, duhat, mga mahogany. Naay kas a gipangalaan man guro ko sa baka. Kay layo palang ko gadagan na padulong sa ako. So ako pod nibalik sa akong agi gadagan ko nya hapit najud ang baka, nikatkat kos punuan sa mangga nga natumba tungod sa bagyo. tapos udto na wala pa nihawa ang baka. Ang akong gibuhat while naghulat nga naay tawong muagi gikaon nako ang bunga na bubut pa. after 10 yrs nga na stock sa punuan sa mangga niabot ra jud ang akong hero batang lalaki ug iyang papa nangahoy cla. ang amahan ang nagkuha sa baka ug gidala sa likod sa balay ni lola. Ako pod ga dali dali ug uli kay kalibangon, Isa ka oras kapin ko sa punuan sa mangga nahurot gud nako ang isa ka pung-pong nga bubot pa.

Isa ka adlaw gisugo ko ni lola ug dala sa regalo didto sa iyang igsuon kay birthday daw pero ang regalo isa ka lata nga pineapple juice

(1 litro). In ana jud sa Bat. Kay kung muadto sa Fiesta, birthday kinahanglan naay dala regalo. like sabon bareta, juice, coke, para naa kay bring house. So mao tu medyo ngitngit na naghike pako padulong sa igsuon ni lola. Para uli nako, gipadalhan ko ug sopas, puto, lumpia ug spaghetti. Layo layo pa raba ang ako lakwon nya daghan punuan sa mahogany ang maagian ug duhat. wala rapod ko mahadlok kay naa koy kuyog iro. Tunga tunga nako sa mga nagtaasang puno ni alulong mana ang iro unya ang akong cp 3310 hinay pajud ang hayag natingala ko nga ang iro wala man nisunod nako ako syang gitawag nga pagdali pero dili jud mulihok gasigi lang ug alulong. Gibati na jud ko ug kahadlok atung orasa akong gibalikan ang iro ug gigunitan na nako ang iyang higot nga mubo raba kaayo pero gahi jud, nakahunahuna ko ug kuha sa lumpia akong gihatag niya nikaon pod xa nya lakaw nami, wala pa gali mi nakalayo nihunong napod ug nialulong, patay ko ani mahurot man tingale ang lumpia nga sud anon pa raba namo ni lola. Intawn gikaluy an sa ginoo naabot rajud mi sa balay pero ang lumpia nahurot jud kay dili man mulakaw ang iro kung dili paslakan ug lumpia ang baba. Akong gitug an ni lola ang nahitabo iya pa nuon ko gikasab an ngano daw wala ko nagdala ug gulok (sundang) kay mao man jud didto. dapat kung maglakaw samot nag udto ug gabii kinahanglan jud magdala ug kutsilyo or sundang kay ingon sila naa kuno tikbalang. Kung mu vow daw ang sanga sa puno buot ipasabot naay tikbalang ug para makita kung naa ba jud, mutuwad daw ko ug lilion nako sa tunga sa akong mga legs para mabal an.

Isa ka hapon nag sunog ko ug mga dahon, pagkita nako sa sanga sa mangga ni vow man jud. Dagan ko sulod sa balay kay magkuha ug sundang, gipangutana ko ni

lola ""batang are napapano ka ga?""

tubag pod ko ""la yung sanga po ng mangga yumuko saka pagewang gewang po ang ibang sanga.""

ngutana c lola ""tumuwad ka ga at tinignan mo sa pagitan ng iyong mga hita?""

tubag pod ko ""hindi ho wala ho akong gulok.""

So nibalik nako ug gadala kog sundang siguro mga 3pm tu or 4pm. pag abot nako sa asa ko nagsunog kay nilihok man jud na ang sanga ug kusog, kadaganun nako pero curious ko sa nawong sa tikbalang naa bitaw koy sundang., mao tu nituwad ko kay akong tan awon kung unsay itsura sa tikbalang. Sus kay ang baka man diay ni lola nga didto gihikot sa mangga ug ang pisi kay taas kaayo gigukod napod kos baka perte nakong dagan ug nangayog tabang sa tigulang. animal na baka bisag buros kusog mudagan. unya gisarad an pajud ni lola ang kusina nilipot ko sa may gate. gahilak nako sa kahadlok kay nabali na ang sanga katu asa gihikot ang baka. ambot pod tung bakaha nga init kaayo ang dugo sa ako..

Ff naay nangulitawo nako magulang ko niya ug 5 yrs, apo sa igsoon ni lola pero dili gusto cla lola atung tawhana lalo na ang mga anak ni lola kay adik kuno pero wala ko nituo nila kay abi nako dili cla gusto sa ako para sa ilang apo kay pobre rako. 5 months palang mi pero buros nako. Halos tanan parente ni lola dili jud pabor sa amo relasyon kay lagi daghan bisyo ang laki. Parente nila akong uyab pero gina ingnan ko nila nga mangita nalang daw ko ug basurero kesa kato nga isa ka basura.

Kay gahi man kog ulo nituman jud kos akong gusto Nag ipon mi sa akong uyab. Kay nadala pod ko ug sulsol ato. 25 na daw ko kinahanglan na manganak kay pag lapas ug 25 kunat na daw.

Yr-2011 gikasal mi pero tulo na ka tuig among anak. Adlaw sa kasal nalate ug hapit isa ka oras ang pari kay naa syay gimisahan nga patay. While nagpaso ko padulong sa akong groom, naratol ang tanan kay natumba ang kandila sa groom. While nag exchange of vows mi napalong ang akong kandila gidagkutan tu ug balik pero pila pa ka posporo ang nahurot kay mapalong man jud.

Ang reception kay sa garahe lang sa akong ugangan. Wala pa gani nahuman ug kaon akong mama ug papa pero naghinay hinay na ug pamahawa ang uban bisita. Naluoy nalang kos akong ginikanan kay gikan pa sila sa Mindanao nya mao tu ilang masaksihan, ako nalang pod gidala sa kwarto ang bouquet kay wala naman pod ang mga abay. Pagka ugma gasigi ko ug pangita sa akong bouquet kay nawala kini pero wala jud nako makit i. After 1 week gikan sa kasal naabot na ang photo album namo nakig storya sa ako ang photographer wala nalang daw niya gi apil ang uban picture kay bati daw, pag tan aw nako nanimbawot akong balahibo sa akong nakita. Kay naa sa akong tapad anino sa bata gagunit sa akong gown while nag pirma ko ug contract, Apil pod sya sa picture nga nag paso ko gagunit sa akong gown, buot ipasabot kuyog na sya sa ako gikan pa sa balay. naay pod kamot nga itom gagunit sa akong kandila pero walay lawas basta kamot ra sya. Ako nalang giingnan ang nag picture basin naa jud bata atung orasa wala lang mi nakabantay. Para lang mawala akong kahadlok. Nakaingon jud ko nga pareho mani sa pilikula ni Kris Aquino. Cguro mao jud tu kay wala pay tulo ka bulan sukad sa pagkamatay sa akong lola (mama sakong mama) gikasal nami. Kay dili man cla mutuo ug pamahiin.

Ff 7 months na akong tiyan sa ikaduha namong anak. Nag school ko sa ALS kay wala nako natiwas akong 4th yr high.Pag uli nako Niadto ko sa boarding house sa akong Kumare kay makig chika unta ko, pero pag abot didto nasurpresa ko kay nagtapad sila sa kama sa akong bana. Dili man sila hubo pero nakagakos sa iyang likod akong bana. Galibog ko atung tima unsay akong buhaton pukawon ba nako sila? ako ba silang awayon. Nganong tua man akong bana nga dapat nag trabaho xa. Nagbasol nuon ko nganong wala ko nanuktok. So nipauli nalang ko nga murag walay nahitabo pero kahilakon nako. Pagkagabii nauli akong bana gahulat jud ko nga musulti xa pero wala. Pagka ugma nibalik kos bh sa akong kumare kay makig tan aw ko ug train to busan kay ingon sila nindot daw. nakiramdam ra jud ko niya, taud taud nagring ang cp ni kumare ingon ko nga tubaga sa kay saba, pero iya ra gi cancel kay kapoy daw xa magpa limpyo ra kuno ug kuko. Taud taud ni ring napod pagtan aw nako kay number man sa akong bana so akong gi pislit ang answer button ug gipakusgan nako,. giingnan nako si kumare nga tingog pero nibalibad xa ngano daw xa mutingog nga ako man ang ni pislit sa cp. ug wal daw xa kaila sa nanawag. Nikalit ra ug surok akong dugo atong tima ako xang gisagpa ug kusog ug akong gisulti kung unsa akong nakita. ingon xa wala daw nahitabo sa ila duha sa akong bana. Pagkagabii ana nauli akong bana iya dayun ko gi confront nganong manghilabot daw ko ug cp sa uban. Ako xang nasagpaan pero wala jud ko kasagang sa iyang gibuhat kay mas kusog ang iyang balos gisagpa pod ko sa minata* ug dayun lakaw. sukad atu wala nalang ko nagtingog kay kung mutingog ko ako ray masakitan unya buros pako.

final exam na namo pero naa nay dugo nigawas sa ako. pero nagtake gihapon ko kay gusto ko mupadayon ug college. 1 week after sa exam nanganak ko, 2 days nako sa hospital. Ug nabalitaan nako nga namatay na si lola. wala jud ko nakaduaw niya kay naghubag ang pusod sa ako anak kinahanglan injectionan x

3 times a day for 1 week mao nag stay pami ug 1 week sa hospital, pero pag gawas sa hospital niapas ko sa last vigil ni lola.. daghan cguro ang nahibong nganong nag tyaga ko ug panarbaho didto nga probinsya kaayo unya gamayg sweldo. C lola-L man gud ug iyang mga anak dako kaayo ug natabang nako. nabulag akong left eye 1 month ko dili makakita pati ang right naapektuhan. cla ang gaatiman sa ako agakon ko padulong cr, banyo , hungitan ko sa apo ni lola. anak ni lola ang tig limpyo sa akong mata. weekly ko nila dad on sa doctor. Sala pod nako nganong nabulag ko. Kay gidulaan nako ang butterfly unya wala ko nag hugas ug kamot. pagmata nako sa buntag sakit na kaayo ug dili na nako mabuka akong mata. Isa pa mahal jud nako ang mga senior citizens.

Ff namalhin mi ug balay kay lisod ning makig ipon ta unya medyo mata pobre pa ang in-laws (medyo lang) pero hinatag nato sa amo ang balay iyaan sa ako bana ang tag iya. Nag arrange ko sa among mga gamit sa kabinet. Niduol ang akong anak babaye gadala ug bouquet nga laya na kaayo akong gipangutana asa to niya gikuha ingon xa sa bag daw. natingala ko kay isa naman ka tuig sukad sa among kasal, nya karon ra nakit-i ang bouquet. imposible pod nga ako may nagbutang sa mga gamit sa bag. Ako nalang to gikalimtan kay mabuang nya ko ug huna huna paunsa to naabot sa bag.

duha na mi kabulan sa balay nag umpisa na akong kalbaryo. Dili na mabang bang ang pagkababaero sa akong bana, pirmi nako niya pasakitan sagpaon, sumbagon, pirmi pod nako masakpan nga nag pot session sila kauban iyang ig agaw ug barkada. bisan buros ko sa among ikatulong anak pasakitan ko niya kalitan rako ug sagpa nga way hinungdan. gusto nako musukol pero pila raman tawon akong kusog kumpara sa iyang kusog.

Part 3: 2 days before ko nanganak kami lang sa balay nabilin kay trabaho akong bana. Nagpahulay ko ato sa kwarto kay bago ra human ug panglaba unya tulog akong anak, ang kamagulangan tuas school. Nakadungog ko nga naay tawo sa pikas kwarto pagsulod nako wala koy nakita, gipanglili nako ang ilawon sa kama kay basin naay ilaga pero wala man. nigawas ko balik kay naghilak akong anak nga naa sa duyan. paglingi nako sa kusina naglingkod akong bana nga murag problemado pero gatalikod xa sa ako. Akong gipangutana nganong niuli xa nga alas 2 palang sa udto pero wala xa nitubag. so hilom nalang ko kay lisod na.

Pagkahapon nauli na akong anak gikan sa school, nagdula xa sa likod sa balay, ako xang gilili gasigi xa ug katawa nga murag naay kadula, ako xang gitawag ug gipangutana kinsa iyang kadula iyang gitudlo ang punuan sa balimbing pero wala koy makita nga tawo, ingon ko nga sulod na kay hapon na, nibabye pa xa nga mura jud naa xa kaistorya. nakapanguros nalang jud ko atong tima. 7:00 pm naghukad nako kay mangaon nami, Akong gisugo akong anak nga tawgon ang papa kay mangaon na, pero ang tubag sa akong anak wala pa man daw nauli ilang papa, ingon ko nasa terrace nakaupo, nigawas ang bata pero wala kuno iyang papa sa terrace. Ako nalang ang nisampit niya pero wala pod nitingog. Taud taud niagi among silingan ug miingon ""magandang gabi mare hagot c pare ngayon panay ang OT eh"" pagka dungog nako sa iyang gisulti nakalingi ko sa gilingkuran sa akong bana ug wala na xa didto. ako gipangutana among silingan kung nagkita sila sa akong bana iyang tubag kay OO. Naka bati ko ug kahadlok ato nga time. Nanirado dayon ko ug nangaon nami human kaon gitawagan nako akong bana gipangutana nako kung nauli ba xa ganiha sa udto iyang tubag suko kay ngano daw xa muuli nga daghan trabahuon ug gipalong na niya ang cp.

Wa na nahadlok na jud ko. kinsa diay tung naglingkod sa kusina nga ako man jud tung bana ug ang naglingkod sa terrace nga siya man jud tu nasamot pa akong kahadlok pag agi sa hangin sa akong likod. Na feel jud nako nga naay nihalok sa akong tangkugo.

Adlaw nga nagbati nako udto pajud. gidala sa akong bana ang mga bata sa akong ugangan, ug ako nagpabilin kay mag andam unta sa mga gamit para dad on ug hospital. pero pagsulod nako sa kwarto niagas na ang tubig pero dili pa kaayo sakit akong tiyan. Nigawas ko ug nilingkod sa terrace nya nakita nako akong bana ako xang gisugo nga ibutang sa bag ang mga gamit. Pero wala xa nilihok igo ra nitan aw sa ako. paglingi nako sa gawas kay nagpadulong sa among balay akong bana kuyog akong ugangan, paglingi nako sa sulod balay wala na ang lalaki. nanimbawot akong balahibo ato pero wala rako gasaba nila.

Ang amo diay balay kay, bale dako na nga yuta ug naa sa tunga tunga ang balay nga ang palibot punuan sa santol, balimbing, kamunggay, naa pay mga kamanting, ug mangga ang tag iya sa yuta kay ang akong ugangan.

Ff nauli nami gikan hospital nagpa discharge dayun ko pagkaugma kay kapoy mag pirmi sa hospital puros masakiton akong makit an sakit sa dughan..

gabii nato kami ra sa akong bana ug among baby kay ang duha ka bata wala anay gipauli sa akong ugangan kay basin mabughat ko. Kining akong bana gibati ug uwag iya kong gi rap* (oo rape ang tawag bisag mag asawa namo nga dili gusto ang babaye magpahilabot sa iyang bana) ako kay luya pa kaayo nahilabtan jud ko niya. nagpalami xa sa ako ibabaw while ako gahilak mix emotion akong gibati atong gabhiona. Ug sakit kaayo akong ubos, wala ko masakitan sa pagpanganak nako kay akong bat ang raman ang sakit. kung balik balikon nako ang nahitabo atong gabhiona luod kaayo. nagpanawag ko ug tabang sa akong ginikanan sa akong hunahuna lang while gahilak. Pagkahuman niya giingnan pako ug ""ang arte mo"" ug nilakaw na xa gibiyaan ming duha sa bata.

Pila na kabulan akong anak ug naka decide nako nga magpatabang sa akong ginikanan kay gusto nako mulayas. dili na nako kaya ang ginabuhat sa akong bana, pasakitan ko bisan sa atubangan sa mga bata. Kas a nagpadede ko sa ako anak gikalit rako niya ug sagpa kay nasuko siya nga akong gikuha ang ATM sa iyang gisanlaan. bantog ra nga wala xa sweldo kay sa lain diay gigamit ang kwarta. giduol ko sa akong ikaduhang anak iyang gihapyod akong nawong ug niingon ""mama sakit ears mo bad si papa huwag natin love c papa ha"" ayha palang ko nakahilak pagka dungog nako sa gisulti sa akong anak. pag tan aw nako sa iyang kamot naay dugo didto palang ko nakabantay nga gadugo diay akong dalunggan. nitindog ko akong gibutang sa duyan ang bata nikuha ko ug sundang ug ako xang gigukod pero kay kusog man mudagan gilabay nalang nako sa iya ang sundang, ug pagkakita niya sa ako nga wala na gagunit ug sundang ako napod ang iyang gigukod ug giayo ayo paglaparo nihunong ra xa pagkakita niya nga nagkadugo iyang kamot tungod sa akong dunggan. kato ang last nga panghitabo maong naka decide ko ug pa rescue. A day ayha niabot ang mukuha sa amo nagpakita balik ang lalaki pero wala nako gibati ug kahadlok, ni tutok lang xa sa ako. Pagka gabii naa ko sa likod balay nagpamasin nga makita nako ang lalaki pero wala na xa nagpakita. Nag storya storya nalang ko. ug niingon ko ""SALAMAT"" kabalo ko nga ginabantayan ko niya. Pagka ugma naay nanawag sa ako isa ka babaye nga maoy gi contak sa akong ginikanan para irescue mi. Kay wala jud koy parente bisag isa didto. ug wala nay nahimo akong bana kay naay kuyog nga mga pulis ang mu rescue sa amo. ug ako pod xang gihadlok nga kung dili niya ipadala ang mga bata, akong ipakita ang video nga nag pot session cla.

5 months palang mi nagbulag pero nag celebrate na cla ug 1 yr anniversary sa iyang uyab. Nice kaayo diba?

Ff 2 yrs na kong single pero still married sad but true. Nakauyab ko ug 14 yrs younger than me lingaw lingaw lang gud, ambot pod nganong nagustuhan ko ato, pero 1 month kapin palang mi nilarga nako balik ug manila kay nihangyo ang anak ni lola-L nga kung pwede daw akoy bantay sa iyang ugangan nga baye bedridden na pod, So ang akong apply bilang DH sa Dubai wala na nako gipadayon ug ako nalang gidawat ang offer nila, kay katunga sa akong sweldo sa Dubai maoy ilang offer sa ako, ok na kaayo ingon ko. Isa pa parente cla sa akong ex bana pero dili cla close. gikuyog nako akong kinamanghuran ug nabilin sa akong ginikanan ang duha nako ka anak. Nagpadayon ang among relasyon ni boylet LDR ngalang ug nahibaw an sa akong ex ug ingon xa nga iya kong ikiha apil na c boylet. Nahadlok ko dili para sa akong kaugalingon kundi para kay boylet. dili ko gusto nga naay maangin sa akong problema. ug nahadlok pod ko nga ilang kwaon ang mga bata. So nakigbulag ko ni boylet pero wala xa misugot. Isa ka adlaw akong gi open ang messenger ni boylet kay balak nako I delete among convo pero naa koy nakit an nga convo nila sa isa ka babaye mga sweet messages ug naa pay pasend send na pic. wala raman pod ko nasakitan. Didto nako nakakita ug way nga para musugot xa nga magbulag mi."

Part 4: 2017 December nagsayo ko ug mata kay x-mas party sa akong anak naghilamos ko atu pag tan aw nako sa samin kay naay babaye sa akong luyo. Nakasinggit jud ko sa kahadlok ug kakurat. Nakamata tanan tawo sa balay pati akong alaga nga maayong katulog nakamata ug apil. Gipangutana ko nila naunsa ko akong gisulti ang akong nakita. nitubag ang girlfriend sa anak sa akong amo "diba si **** may nakita din na ganun pero dati pa yun". Ug mao to mahadlok na hinuon ko mag cr ug gabii kay basin naa gaatang sa ako sa sulod cr.

Dec 2018 gitawagan nako akong amo nga dad on nako sa hospital iyang mama (akong alaga) kay maglisod kini ug ginhawa.
ang akong amo diay nga babaye kay naa sa abroad, ang mga anak tua pod sa gawas nagpuyo, mag ulian ra sila every Xmas day, ang nabilin akong amo lalaki, c lola (akong alaga) akong anak ug isa ka kasambahay. Pero akong amo lalaki mag stay ra ug 1 or 2 days sa balay kay didto xa nagpuyo sa ilang resthouse sa probinsya. Maong kada kinahanglan ug checkup sa tigulang mukuha rako ug driver, para ihatod mi sa doctor, pag maadmit ang tigulang ako ra pod ang bahala mag asikaso sa tanan, hospital bills mga tambal. Pero kumpleto jud ang resibo. ultimo candy nga piso ilista nako. kay ipadala raman nila true gcash ang among budget. pero inig uli nila akong ihatag ang listahan para makita ang nagasto. Libre pod ko ug cellphone. Pati na ako kauban.

So padayon ta.
naa nami sa hospital giingnan nako c lola nga magpagaling kay dili ko gusto mag celebrate sa akong bday ug Xmas nga naas hospital. 3 days nami sa hospital giingnan nako c lola nga ugma na akong bday. nitubag xa ug "alam ko happy bday *** at thank you sa pag aalaga mo gudnyt matulog kana." pero galisod najud xa ug ginhawa naka oxygen nalang xa. pagka ugma 1:27 sa kadlawon nakamata ko kay murag naay nihunghong sa akong dunggan. Akong giduol c lola, wala na xa gaginhawa. gitawag nako ang doctor pero wala najud c lola. gitawagan namo akong amo kay makig storya ang doctor. kung dapat paba butangan ug aparato pero ako na ang niingon nga dili na kay saksi ko adlaw adlaw Paunsa nag suffer c lola. nigawas na ang doctor ug nurse. ug gihalog nako c lola kay bday jud nako to unya nihawa xa. Dili happy akong bday kay maot kaayo ang gift niya sa ako. kada bday pa naman nako iyang wish para sa ako nga makakita ko ug maayong lalaki. taud taud nisulod ang duha ka nurse kay ilang limpyohan c lola. ako gatan aw lang nila while gahilak. Unya nikalit ra ug tingog ang isa ka nurse "happy birthday cheer up". nisamot ko ug hilak ug nigawas nalang sa kwarto.

Sa haya ni lola kami rapod duha ang nabilin sulod sa duha ka gabii. Kay wala pa naabot iyang mga apo ug nag iisang anak. ako amo lalaki igo ra giasikaso ang funeral ni lola ug wala na nibalik. OK ra pod nako kay iyang gihunahuna wala daw mabilin sa akong anak kay wala pay buot ang kasambahay.. Makaguol lang kay nawala ang tigulang nga wala ni isa sa iyang pamilya ang nakaatiman sa iya. 40 days niya ako rapod ang gaasikaso. Kay namalik na sa gawas iyang anak ug mga apo.

yr 2019 naghatod ko sa akong anak sa school. cgi xa panawag nanay sa ako ug naay nitubag ug
"nanay tinatawag ka" edaran na xa nga lalaki naa sa 40+ ang edad or 50 ba. gilingi nako xa ug ni smile ko niya nitingog pod ang isa ka lalaki ng "naks pre nasilayan mona naman ang crush mo" nisegunda pod ang isa ka lalaki "ganda ng ngiti oh". Ako nga naminaw lang nanginit akong nawong sa kaulaw kay ang mga parents nga naghatod sa ilang mga anak nanan aw sa akoa. Nilakaw nako pauli naay kotse nga gasunod sa ako nya niubos ang bintana ug gisampit ko sa driver "nanay sakay na" ako igo rapod ni tan aw sa iya, wala ko kaila niya unya pasakyon ko sa iyang sakyanan. tawgon pako ug nanay. Gabagutbot jud ko.

tawag napod xa ug "nanay sakay na ihahatid na kita dun din naman ang punta ko" niingon ko nga "ok lang po salamat po"
paglapas niya sa ako nakaingon ko gwapo man diay tung kagwanga to kaso mabukbukan palang kos original.

1 yr death anniversary ni lola as usual wala ang pamilya niduaw ra mis sementeryo kuyog akong anak ug akong kauban. nanagkot rami ug gadala ug makaon sa sementeryo. Kay bday pod nako. nagkanta mi ug happy bday sa dihang naay niduol si tatay. tatay nalang atong tawag niya kay nanay man iyang tawag nako. ug niingon xa "makikain po happy bday" naulaw ko kay gakinamot rami ato pero naa mi gloves nga plastic, ug dako kaayo akong hungit ato. ang akong kauban nisibog kay palingkuron niya c pogi. Unya kay nitapad man sa ako c tatay. ug ako nga nakasulay naman unta ug minyo may 3 trophies naman gani pero nganong gapangulba man ko atung tima unya dili ko makatan aw niya kay xa sig paniplat. Ataya mura pod ug teens.🤣 bitaw na fall jud ko atong adlawa. dili man gud xa halata nga edaran na unya neat pajud kaayo manamit. ug ako 37 na ko atong panahuna😁. Gipangutana xa sa akong kauban nga madaldal kinsa daw iyang giduaw iyang tubag ang iyang asawa 13 yrs ng patay. luh may chance✌😅 (joke) Mao tu nag storya storya pami didto jud mi nagkaila ug tarong, ug nananghid pa sa patay (kay lola) nga pangulitawhan daw ko niya. 😅 dili man pod sa pagmayabang, daghan man nakabantay nga bata pa kuno ko ug nawong.
bitaw dili man ko perfect nga tawo dili pod ko allien para dili ma inlove. akong ex gani nga ikapila na nagkambyo ug ka live-in. 😁

Sweet morning, namubo ko ug bulak sa gawas, nakita nako c tatay nag jogging mentras nagkaduol nagkakusog pod ang pitik sa dughan ni nanay. Kalami sa iyang muscle😜. gikan sa bagtak pataas sa abaga.
Naabot najud xa sa akong tungod ug ni greet ko niyag goodmorning po nipahiyom xa sa ako ug gipupo ang bulak nga santan iyang gihatag sa ako ug niingon SWEETMORNING🤩. (dayun lakaw) oh diba kala nyo kayong mga bagets lang marunong magligawan.
paglingi nako sa silingan ang mga marites sangko sa dunggan ang ngisi. naa pay ni thumbs up.

Afternoon, my red alert c nanay ug nahutdan pajud ug band aid. Nigawas ko kay mupalit, unya wala ko kabantay nga c tatay naa nagtindog kay magpa washing sa iyang motor. Pagkuha nako sa band-aid nitingog mana xa ug (bah makakabuo pa pala tayo). (grrr kung dili lang nako xa crush giluod nako sa iyang gisulti). nagdali dali nalang ko ug uli.

Lovely Sunday nanimba ming duha sa akong anak pwede raman basta naay 1 meter p-distancing. pag peace be with you na. Niduol lang ug kalit ang lalaki sa ako ug niingon I LOVE YOU😃. paglingi nako c tatay man diay. nakasala ko sa sulod simbahan kay nakapamalikas kos akong utok. Hayuf ka gwapo sa tigulang.

2020 gisugot na nako c poging tatay, pero may pagduha duha gihapon ko kay arangan xa ug pamuyo unya wala pako kakita sa iyang mga anak. duha kabuok iyang anak babaye ug lalaki ang lalaki isa ka pharmacist unya ang babaye kay tuas abroad. nahadlok naman gud ko kay ang akong ex bana may kaya cla. Isa pa sukad nayabhan ko ug mantika sa akong legs nawala na akong self confidence. Bisan init kaayo naka jogging pants ko.

adlaw sa akong pamalengke isa ra ang agianan padulong sa palengke. maagian ra ang balay nila pogi tatay. Hapit na jud ko sa tapat sa ilang balay, nagdali dali jud ko ug lakaw para walay makakita, ug kay May pagka matang lawin man ang mga bisita niya nakit an jud ko sa iyang bisita nga kaila sa ako ug gitawag ko niduol nalang pod ko ug nigawas si tatay nangutana asa daw ko adto ingon ko nga mamalengke. Iya kuno kong ihatod nibalibad ko kay makaulaw naa gud xay mga bisita. Iya kong giagda sa sulod kay pakan on sa ko. nilingkod ko sa salas unya nisulod xa sa kwarto kay mag ilis kay nanimaho daw xa ug singot. Pag gawas niya nakit an man ko niya nga nagtan aw sa kwarto niingon pa xa nga "yaan mo pag nakapagpaalam na ako sa magulang mo ipapasok na kita jan" (ug nikindat pa saako). si nanay tawon gikilig pero wala nagpahalata. at*ya uy naulaw nalang ko ug kalit.

Part 5: Since in a relationship naman ko. ni tug an nako sa akong amo kay parente baya niya akong ex. Ug ni ok raman pod cla kay lagi wala jud cla kaangay sa batasan sa akong ugangan babaye ug sa akong ex.

Ang akong na feel atung tima kay mura ko ug naka gawas sa kulungan. wala na koy kahadlok nga basin naay makakita nga naa koy kuyog Lain ug mabalitaan sa akong mga in laws.
Open napod mi ni tatay sa isat isa pero isa ra jud ang wala nako natug an sa iya ang nahitabo sa ako atung 15 lang ko. Maulaw jud ko nga naay makabalo nga na rape ko.
pagkahibalo niya nga naa koy peklat sa legs mao nga dili ko tig short. Iya kong gipalitan ug maxi dress. Kay mas feminine daw ko tan awon kung naka dress ko. ug ngano daw ko maulaw nga daghan man daw gani puro tato ang lawas pero wala maulaw. ingon pod ko ang tattoo man gud arts na xa.

Ug tungod ni tatay nagka hinay hinay ug balik ang akong self confidence..
Nagplano na xa nga tabangan ko niya ipa annul ang kasal namo sa akong ex. Nagplano nami nga mangadto ug baguio pag ma ok na ang tanan. Gina spoiled pod niya akong anak sa mga dulaan. Ang amo lang awayan kay mag send xa sigi ug kwarta sa akong gcash.

Creepy night, naligo ko atu ug abi nako nisulod akong anak kay mag cr ingon ko sa iya nga I flush paghuman ug cr. pero wala nitingog. Pag abri nako sa shower curtain kay wala may tawo. pero nadungog jud nako nga naay nangabri ug purtahan sa cr. Pag sulod nako sa among kwarto akong anak naglantaw ug tv. ako xang gipangutana kung nag cr ba xa tubag xa nga wala daw. Kalit lang na ug ka bugnaw sulod sa kwarto nya nanimbawot na akong balahibo. nigawas ko ug niingon "la wag ka ng magtago di po ako takot" pero wala may lola nga nagpakita, (sa heaven naman gud xa). akong gitawagan c tatay ug gisulti nako nga mao to mao ni. pero iya ra kong gikataw an dili na daw uso ang multo kay hadlok sa covid. Paglili nako sa may gate nakita jud nako ang lalaki ga tindog sa may gate ga atubang sa among kwarto, kay ang among kwarto daplin kalsada raman. Akong gitawagan akong amiga nga kung pwede tan aw xa sa among gate. nigawas pod xa ug nitan aw ga babye babye pa. akong gipangutana kung wala ba xa nakit an sa gate. tubag pod xa nga wala. pero pag tan aw nako tua jud ang lalaki. niingon nalang ko nga ok na umalis na pusa lang pala yun. As in wala jud ko nakatulog atung gabii. Gadala nalang ko ug balde sa kwarto kay maoy Arinola nako.

December 2020 namasyal mi ni tatay kuyog akong anak, ikot ikot lang. nya nananghid xa nga muuli sa ilang probinsya kay naa xay asikasuhon.

New yr to kami ra duha sa ako anak. Kay ang akong amo tua sa probinsya nag celebrate ug Xmas ug newyr. bisag covid naa man gihapon pabuto. pero kami sa akong anak nagtan aw lang tv. Ug kay nikalit raman nag kabugnaw as in bugnaw jud kaayo pag tan aw nako naka on ang aircon sa kwarto, dili pod to ma on sa akong anak kay akong gitaguan ang remote. Unya naay babaye naglingkod tapad sa akong anak. akong giduol akong anak ug akong gipatapad sa ako. nya niingon ko nga "nood lang tayo ha wag manakot" pero padungog to nako sa spiritu. pag lingi nako wala na ang babaye. Pero ang mga mga baso ug tasa sa kusina nangabuak nga wala ko kabalo unsay hinungdan.

Isa ka adlaw nangagda c tatay nga mangaon mi sa mang inasal while ga drive xa gagunit pod sa akong kamot. pero kuyog namo akong anak

Pag uli namo ambot ug ngano gihalokan nako c tatay sa lips kahit na nakakita akong anak. ni smile ra pod ang tiguwang ug niingon "tamis pala" murag shunga .

Adlaw sa paglakaw ni tatay pauli sa probinsya. Halos kada oras xa manawag sa ako nakaila napod ko sa iyang mga igsoon. Kay mag vdeocall man mi. Nya ingon xa nga ugma pauli na xa. Pagka ugma nanawag ang pag umangkon ni tatay. Wala na daw c tatay. Wala na kamata. natulog raman unta. Niadto kos ilang balay walay tawo. Gabalik balik kos ilang balay ug tibuok adlaw pero wala jud tawo. Kay diay nauli sa probinsya ang anak. Bantog ra nga sweet kaayo xa sa video call cgig I love you. Adlaw sa iyang lubong igo ra ko ni tan aw sa live video sa iyang pag umangkon.

Isa ka bulan ang nilabay, ga chat ang anak ni tatay kay paadtuon kuno ko sa ilaha. Pag abot nako sa ila nigawas sa kwarto ang anak ni tatay nga babaye. Ug niingon nga "kaya naman pala bukambigbig ni papa ang pangalan mo" ila kong gipangutana ug pilay akong edad asa na akong mga anak. Unya naay gidunol sa ako ang anak nga lalaki isa ka paper bag ug envelope nakita daw nila ang paper bag sa kotse ni tatay nakapangalan sa ako. unya ang envelope sa kwarto ni tatay. Ang sulod sa paper bag leggings black ang tatak forever21 ug isa ka short sleeve hoodie uniqlo, ang message "belated happy birthday nanay I love you"
akong gi open ang envelope 3 ka plane tickets. akoa iyaha ug sa akong anak. igo ra nitulo akong luha gagunit sa ticket kay plano jud tu niya nga mukuyog xa pauli sa amo. Nya namention pa sa anak nga babaye nga naa cla kaila attorney makatabang sa ako para ma annul akong kasal. pero wala nako nitingog gaduko rako gahilak nga walay tingog. Ayha ko nilakaw niingon pa ang anak ug "thanks for loving daddy"

After 1 week. Nibalik kos balay ni tatay gadala ug envelope ang sulod kwarta. Akong giuli ang kwarta nga gipang send ni tatay sa akong gcash. Sa una dili pa nila dawaton kay hinatag na daw to sa ako, pero ako jud gipugos kay ikapila naman pod xa nakapadala sa amo. Pag dili ko kapadala kay nagsakit ko, pinalitan pod ko niya ug tambal.

Ps. naa naka sulti sa ako nga dapat dili ta basta mamunit ug kwarta sa dalan. Kay kanang kwarta sa kalsada wala ta kahibalo nga giitsa na para sa patay. Mao cguro nga naay anino sa lalaki nga o abat ba to nga mag sigi ug pakita sa ako. Kay sa dalaga pako naa koy makita kwarta sa dalan piso o 25cents ako jud puniton. basin wala lang ko kabalo nga katong sig pakita sa ako silay tag iya atong coins nga akong ginapunit.

Diri nalang kutob daghang salamat admins ug sa mga readers.

A38