Tanod Lay Ako ( FULL STORY)

 

Mga mga admins & readers heloo! 

Avid reader sad ko ani nga page since born charowt ug nakapadala nako dugay ra pero wala mahatagi ug pagtagad. So I take another chance to send again a confession.

Nahuman naba mo sa Sundalo pulis coast guard ug ubn pang mga MIU? Pwes dinhi napud tas pina low-key nga Barangay Police o mas nailhan natong mga TANOD. Wa jud koy nabasahan nga mga ordinaryo lang nga mga trabaho ilang pakners puros high paid man haha. MIU man pud ning mga tanod nato noh. Naa mn pud silag uniforms maong matawag pud nato silang MiU. For sure naa joy pakners diri nga tanod nagpakahilom nlnag kay naawngan sa mga professionals. Pwes time na nato nih nga mobuhagay sa atong lovestories akoy sugod kamoy human haha. Lami man sad mobagdok ni atong mga tanod diba mga mama. 

Ako si Basha nabuhi ug nagginhawa sa Central Visayas 29 nako karun pero nakita ni akong tanod sa 24 pa ku ug 4 yrs. naming married. Siya si Popoy ako si Basha mga 5 ka ligoan na jud ka level na namo si John Lloyd and Bea charowt. Ana nga time is bag o palng ko ni balik sa among lugar kay nagtrabaho ko sa Manila for 3years as call center agent ug tongod kay gimingaw nako sa amo I decided nga mo go home na sa akong yutang natawhan ug mag negosyo nalang. Sa pag uli nako syempre galing Manila mura kog artista sa among barangay left and right ang mga fans. Syempre naa puy mga bashers kay gibalita pa ko sa among barangay nga na juntis ko jusko nalang lami pang gabason jud ang mga baba. Maong pag uli nako ug paggawas sa tricycle kebeeer ang mga libakira nganga sa akong pina hour glass nga body ug syempre alagang glutathione ang skin ug pina flip sa akong brazilian hair ipakita ang gandang nakakamatay charowt. 

Nagpatukod ko ug mini grocery tapad ra pud sa among balay ug blockbuster kaayo akong mini grocery kay kompleto ko tanan naa pa koy vulcanizing shop. Everything's perfect except sa lovelife. Kay pilian ko kaayo ug lalakwe gusto nako ng tall dark and handsome jud nga mala Robin Padilla ang datingan. Not until niabot ni si Popoy 28 usa ka negosyante pud ug mga prutas ug sideline niya ang mahimong tanod sa among barangay kay dakoon lagi ug lawas murag pang body builder . Gwapo man siya slight ug taas pero maka high blood kay hanginon kaayo nasobraan rapud sa confidence nga mura kag molupad na sa kapunawpunawan sa earth. There was a time nga busy ko kay daghang tawo kay duol raman sa barangay hall akong store ug nag assembly ang barangay. Daghang nitambay ug nipalit ug usa ana si Popoy kay tanod baya siya nitambay siya sa akong store.

Popoy: " Komusta madam way snack diha? " 

Ingon siya while nag usap usap pa ug chewing gum. 

Me: " Pili lang kay atong kwentahon " 

Popoy: " kanang libre ba, libre madam , naa raba go ga tambay diri free imong security " 

Me: " who you? " 

Popoy: " imong future " 

WTF diba, wa jud ko ganahi aning Popoy kay grabe makadalag confidence sa kaugalingon. Mao nga walay mopatol nga girl kay grabe ka hangin jud maong murag mosurok akong dugo ug makakita ko niya. Ani nga panahona nanguyab nako ni si Popoy pinaagi ra pud ug text ug wala jud nako replayi bisag period kay dili lagi nako siya type. 

Liga to sa among barangay kay kusog lagi ko mobunal kay athlete ko sa among school sa una apil ko sa mga players ug volleyball sa among purok. Diha napud si Popoy nag duty sila kay tanod lagi nagbantay sa mga tawo. While nag stretching ko nag pwesto napud mi sa court kay magsugod na nisinggit man na si Popoy

 " My loves taronga kay nagtan aw ko! " 

WTF nauwaw ko kaayo kay gi pakpakan man mi sa mga tawo apil si Cap. supportive kaayo ni Popoy. Mao nga gidungog jud mi ni Popoy sa among barangay nga loveteam kono mi. Diha na nagsugod nga nisamot ug ka hangin si Popoy kay kaingon pud siyag niangay ko pud niya pero bisag patyon pako wala jod ko niangay niya aning tayma. Pero diha poy time nga nagkasinabot jod mi ni Popoy ug dli jud ni nako makalimtan hangtod siguro mamatay nako. Gabie to kay gikan lagi ko namista sa pikas lungsod sa akong classmate mga 9 pm nako kauli ug probinsya lagi wa na kaayoy mga tawo sa gawas sa balay. While naglakaw ko mga hapit nako sa amo nakuratan laman ko kay kalit lamag tunga si Popoy naka tanod uniform sa akong likod. 

Me: " atakehon rapud ta nimo " 

Popoy: " ayaw sa atake atake diha my loves kay magkasal pa ta dugaya man ka niuli gabie na " 

Me: " who you? Ayaw pagbuot " 

Sigeg tabi si Popoy wala na naku tubayi kay kapoy kusog kaayo ug wind speed. Pag-abot namo sa may eskina. Nakahunong mi kay dihay iro nga kagiron kaayo nga isog ug tan aw namo, irong buang. WTF Nakadung ko sa likod ni Popoy kay murag mamanghag naman ang iro. 

Popoy: " my loves ayaw lang lihok kay mokuha kog bato protektahan lagi ka nako." 

Pero pag bend ni Popoy kay mokuha ug bato nikalit mag dagan ang irong buang padung namo. Nakayawa ming duha nabira nako si Popoy kay managan mi yawa lumba mig panagan ni Popoy mao ni tanod nga hadlokan pud ug iro asa naman ang protektahan ka nako, ang bring house nakong dala nabalibag gud nakog apil sa iro kay aron mohunong nisamot man hinoon ug dagan ang iro namo. Ako pay nag una ug dagan kay nakahunong si Popoy kay nabilin iyang tsinelas maong nakakuha siyag bato gibuno niyang iro haska pung libata kay ang lubi man nooy gibuno. puas puas mig dagan kay kusog jod pud nidagan ang iro murag kan on jud mi hapit Jud mi mamatay ug dagan para sa kinabuhi haha. 

Popoy: " my loves! Dagan my loves! Till death do us part! " 

Me: "yawa ka Poy! "

Kami ra jung duha ang sigeg singgit kay mingaw ng palibot gukod ug panagan sa kalsada, wala puy nilabay motor. Wa jud mi lung e sa iro ug wla mi mangambak sa may fish pond nga dako nga daghang tilapia. Wa naman mi pilian kay wa jud mi undangi sa iro, ako raman unta tong niambak kay gikapoy na jud kog dumagan unya pagkabantay ni Popoy nga niambak ko niapil pud ug ambak nako. Langoy langoy mi sa lapokon nga tubig. Maayo lagi kay dako kaayo ug tubig wa ra mi mga bungi sa bato. Igo ra mi gitan aw sa iro nga naa sa karsada. Best experience ever jud nanguli mi ni Popoy nga murag mga basa nga mga manok basa tanan apil akong kwarta ug cellphone. Nakadakop pa mi ug tilapia sa diha sa akong bag.

Sumpayan nakog ma post na basig dili napud 😂.

Ff. 

Wala ko kahibalo nga na post na diay maong nag expect ko nga dugay ma post haha. Natagad ra jud kadugayan akong confession kaingon kog mo try again next year napud ko and I thank you for that charowt. Dugay ra jud ko nag wait nga makapabuhagay sa akong lovestory dinhi at last nahatagan ra jud ko ninyog chance haha. Dili jud ko maulaw nga tanod akong nabana karon pero dili lang pagkatanod ang gisaligan ni Popoy ana nga time kay naa man pud siyay prutasan nga gi manage charowt. Gi special lang jud siyag hire ni Cap aron naay bata bata nga tanod kay close pud silang Cap ug nailhan nas Popoy sa among barangay ug motuo jud niya ang mga tawo labi nag mga tambay nga mga batan on kay dakoon lagi pug lawas mahadlok ug ibalibag rang Popoy. Ug dinhi nagsugod ang tanang Ups and downs namong Popoy charowt haha.

Kadtong gigukod mig iro didto nako na realize kon unsa pud ka talawan si Popoy ug irong buang dakog lawas pero hadlokan ug iro. Paatubanga lang daw siyag mga ISIS ayaw lng ng iro haha. Kay nangambak lagi mi adto sa fish pond nga daghang tilapia nakadakop pa mi pero giuli nalang namo kay gamay pa pud nga tilapia ug lami pa padak on. Mao nga basa ming duha nga naglakaw sa kalsada wala man untay uwan. 

Popoy: " my loves angayan man diay kag wet look di jud nako malimtan rong gabhiona " 

Me: " saba Poy talawan kang dako undangi ra gud na imong my loves mura kag tala tala " 

Popoy: " MY LOVES! NIBALIK ANG IRONG BUANG !! " 

Sa akong kahadlok lagi nga nibalik ang irong buang kusog pud kaayog tingog si Popoy dali ra kaayo ko nakaratil ug dagan. Gikataw an ra kong Popoy nga murag nabuang nikalit ug dagan. Kay nasungot jud ko niya wana nako siya huwata ni pasutoy na lang kog dagan sa amo kay tugnaw na kaayo haha. 

Kay blockbuster lagi kaayo akong tindahan kay gwapa pud ang tindera charowt ana manggitambay ang mga manginginom ug mga tsismosa di jud ka maulahi sa mga nagbabagang balita ug motambay kas akong store like naburos napud si kuan, naay gidalang bae si kuan, napriso si kuan, nakadaog ug sweltres si kuan, namatay si kuan unya nabanhaw si kuan gilupigan nalang gud ang session sa mga kagawad sa brgy.hall kay banha kaayo akong tindahan haha. Unya kay gihimo lagi ming loveteam ni Popoy everytime nga magpadung na gani nas Popoy layo palang mura nag mangabuang akong mga customer sa sigeg panganshaw namo ug mosamot noon si Popoy kay lanhanan pud kaayo musamot ang wind speed. Naay moingon nga 

" Poy! Pagdali kay imong my loves gimingaw na " 

" Poy! Dalia diha kay lami na mopatuyok ug lechon " 

WTF aning tayma wa ga jud ko niangay aning Popoy bisag 0.001 % lang. Kay diha pud koy ka M.U anang tayma charowt. In short diha puy nanguyab nako nadani jud sila sa akong brazilian hair haha. Taga laing lungsod ra pud nakaila nako adtong pagpamista nako nga gigukod mig irong buang ni Popoy. Ipangalan lang nako ni as Derek charowt nagtrabaho siya sa usa ka hardware. Average lang pud ni si Derek sakto lang ang height pero ang naka attract nako niya is ang iyang attitude nga "Maginoo pero medyo Bastos " ug plus pa iyang pa motor haha. Mao jud na akong type na lalaki maginoo pero medyo bastos charowt unlike Popoy nga " mahangin na, bastos pa " mao nga wala jud ko niya niangay ani nga time. 

On a busy day charowt nibisita nas Derek sa akong store kay gihagit lagi nako nga mosuroy sa akong tindahan. Dihay nanggi inom sa among tindahan kay sabado man ting sweldo, hapon napud ni bisita si Derek pasumangil ug pahangin sa iyang motor. Ako pud nga niangay lagi ko niya pa cute kaayo ko gi dalitan pa nakog soft drinks ug chiffon cake ug gipasulod sa akong tindahan. 

Unya nilabay nas Popoy nag dalag sundang ambot dis a gikan ug gitawag na siya sa mga nanggi inom. 

" Poy! Dala naman kag sundang! Dili mi mang sukol " 

Popoy: " aw kahibaw man ko. Labay ra ko do, pero regards kos akong my loves diha " 

" Matay poy imong my loves, aw ambi sa ng imong sundang daan kay basig ma yawaan ka " 

Ako pud nga naanad na lagi sa mga tawo diring amo wa na nahu tagda pero naminaw lang ko. Sigeg tabi si Derek pero akong dunggan naminaw sa gawas. Nikalit ra nag dool si Popoy gidungaw mi ni Derek sa tindahan.

Popoy: " ayay , kolera! kinsa na my loves? " 

Me: " ayaw pagbuot , unsay imo ? " 

Popoy: " naa kay baligya bairan? Kay bairon nako nig usob akong sundang kay lami man ipanigbas " 

Derek: " naa na diay kay uyab? " 

Me: " wa intawon hoy! Layas ra gud ani Poy ug wa kay paliton distorbo ka " 

Popoy: " istilan, hoy pre lami lagi tong imong motor makadot kaha ning sundang nako adto? " 

Me: " yawa man ka Poy oy layas ra gud " 

WTF nga si Derek mura mag nangluspad kay gipakita kita jud ni Popoy iyang sundang nga hait kaayo. Tingala nalang ko nga niabot na sa motor si Derek ug nipasutoy ug dagan, bangas ka. Gibiyaan raman kog kalit wala gani nagpasalamat sa softdrinks ug chiffon. 

Popoy: " HINAY HINAY DO! BASIG SA LANGIT NAKA MOPAINGON ! lupad laging kolera my loves " 

Me: " kadugayan ikaw juy matigbas nako Poy ba ayaw na balik aning akong tindahan ha! Pelingon ra ka kaayo! " 

Gipangataw an ra mis nanggiinom kay mura daw mig bana ug asawa nanggiaway. Kana bitaw feeling nga lud on ka nig ingon nilag basig magkadayon noon mo di jud nako maimagine nga si Popoy ang akong ma bana. Manoktok nalang kos kahoy ug moingon ug BUYAG! Ako nalay nangayo ug pasaylo ni Derek kay tulibagbag lang jud si Popoy naay gihambin nga problema maoy akong gi explain nisabot rapud siya ug naa daw pud siyay gilakaw adto maong nagdali.

Sigeg txt na nako si Popoy pero dili jud nako replayan bisag period nalang kay mosamot ug makaingon nga niangay jud ko niya. 

On a Sunday day charowt nakig hagad si Derek nga manan aw daw mig sine syempre kay na type lagi nako siya sugot dayon ko. Si Nanay akong gipabantay sa tindahan kay makig date sa ang CEO charowt. Nangaon mi daan ni Derek iya tanan libre then nan aw dayon ug sine. Wala ko kahibalo nga lain diay iyang tuyo sa sinehan. Didto mi sa gamay lang ug tawo yawa nga si Derek naghikap hikap naman nako. Una kamot pa to gunit gunit sa kamot then nisaka sa akong abaga niagbay unya kolera nga niambog naman sa akong cocomelon. Murag gilainan nako pero na carry pa nako kay murag wala lang niya tuyoa ba and then nagsugod na siyag kiss nako sa neck wtf nga iyang kamot nikuot naman sa akong pants. Gisagpa nako siya oy nawala man ang maginoo pero medyo bastos kay nahimo namang bastos jud. Siya pud nakalitan kay gisagpa nako. Kaingon siguro siyag makig kuan ko niya sa sinehan.

Na turn off dayon ko niya kay walay respeto nako wala pa gani nako sugta lain nay gusto. 

Mao nga pag uli nako wala ko sa mood. Kay palpak akong date palami raman diay gusto adtong Derek. Kay nakalimot kog palit ug prutas sa mall nihapit ko sa prutasan ni Popoy palit ug manga ug saging. Naa man siyay gisaligan nga magbantay mao nga kampante ra ko nga nipalit kay wala ko kakita niya. Busy ko ug simhot sa manga ug tam is ba dihay niabot nga bae chicks kaayo abi kog mopalit ug prutas pero

Bae: " asa si Popoy doy? " 

Nisaka akong kilay kay himala naay nangita chicks ni Popoy. Wala lang nako pansina niingon pud tong nagbantay nga 

" Naay moabot mga prutas ron te gikuha pa 

niya " 

Bae: " ingna lang doy nihapit ko " 

Dayon nilakaw ang bae na curious ko ug kinsa to dili man to taga amo maong nangutana ko.

Me: " kinsa to doy? " 

" Wa pud ko kaila te pero uyab man siguro tong Kuya Popoy te. " 

Me: " ha? Naay uyab si Popoy ? " 

" Mura di ko sigurado te, pero sige man na silag lakaw " 

Me: " Yawa nis Popoy my loves my loves pa naa man diay uyab . Lami ipakaon niya ning iyang mangga nga pait, pahangyoa ko ani doy kay basig ilaparo ko ni sa imong amo "  

Nisamot kog ka bad mood anang adlawa kay lami pangpakugon si Popoy ug Derek gaparehas raman. Sa akong kapungot kada naay mopalit nga utangan sa kong tindahan paninglan nako kuyaw kuyawan lagi kay wala ko sa mood. Wala nako na kig contact ni Derek kay makaguba ug kaugmaon haha. Nagfocus nlang kos akong negosyong gamay pero makalipay. Kay diha lagi magtambayan sa akong tindahan ang mga walking newspapers nakong mga silingan. Dihay issue nga nadawit jud ko ug naapil kog ka barangay. Issue; Wakwak daw si Nang Diday. 

Diha nagsugod sa akong tindahan ang issue nga wakwak daw si Nang Diday. Nagsugod lang sa storya nga nakit an si Nang Diday nga nigawas ug gabieng dako. Diha man toy buntis sa silingan namo ug gidungog si Nang Diday nga siya ang wakwak. Nagkanit kanit na ang balita ug wana kahibaw ug kinsa ang nag ingon nga siya ang wakwak. Pwerting kasuko ni Nang Diday ug ikiha daw niya tanang nagsulti nga siya ang wakwak kay pakauwaw sa iyaha ug sa iyang pamilya. Dihay suspek pero bisag unsaon ug tuwad tuwad di jud mo amin nga siya kay nadungog ra daw pud niya. Mao nga gi barangay tanang tambay sa akong tindahan ug apil nako kay ako ang tag iya. Diha si Popoy sa brgy. Hall kay maoy mo assist ni Cap. kay pwerteng sukua na ni Nang Diday nga mura nag mamanghag jud. 

Popoy: " apil pud ka ani my loves? " ingon siya pero nakahinumdom ko adtong na diskobre nako nga naa siyay uyab. Maong niulbo akong kaspa kadungog ni Popoy ingog my loves.

Me: " Yawa ka palayo ra gud nako kay basig ikaw akong mabanghagan ron " 

Popoy: " unsa may sala nako nimo? " 

Me: " BAWO! " 

Popoy: " gidugo ka my loves? " 

Wtf, gibira pa bitaw nakong buhok ni Popoy kanang hapit na jud malarot ba kami nuoy gibadlong ni Cap. While gi settle ni Cap ang chismis bahin sa wakwak kay wa joy motug an nga maoy niingon nga wakwak si Nang Diday diha pud ko sa likod ug diha pud nitapad si Popoy sigeg papansin nako wa jud nako tagda. Agbay agbay na sa akong lingkoran nag ekis na akong kilay kay sige ramag tan aw nako. Nagpasalamat ko kay dihay nanawag pagtan aw nako si Derek yawa dili unta nako tubagon pero gitubag nalang nako aron makagawas ko ug makaginhawa kong Popoy. 

Me: " hello " 

Derek: " musta? "

Me: " maayo " 

Derek: " pwede magkita ta? " 

Wtf nisamot kaulbo akong kaspa makigkita pa human sa iyang gibuhat lain napud siguro ug plano. Gi off dayon nako ako pay iyang iladon. Pagbalik nako kaingon si Popoy ug motapad kog balik niya, Never. Nagpaduol nalang ko ni Nang Diday nga nikalma na kay gi tambagan ni Cap. Nganong masuko man pud kaayo dili man kaha tinuod haha.

Sukad adto dli na jud ko mag apil apil ug naay istoryahan nga issue diha sa akong tindahan kay maapil unya ko. Bahalag mangabitas ilang mga baba ug lumibak. Usa ka hapon diha ko sa tindahan mga 6pm na nakuratan mi kay dihay nibuto ka duha didto sa layo murag pusil. Diha nay mga nanagan mga tawo nahadlok ko basig naay gi raid sa mga pulis maong dali dali kog panira kay mahadlok jud kog pinusilay daghan man gud manuyopay aning among barangay haha. Nangutana si Nanay sa silingan namo ug unsa to.

" Sa ila Popoy Nang! Dihay ka kontra si 

Popoy " 

Me: " ha! Gipusil si Popoy te? " 

" Bawo lagi ug naigo bas Popoy kay nanagan nman mi kay nihulbot namag pusil " 

Nanay: " jusko naunsa na ron si Popoy Basha! " 

Ako nakulbaan jud ko aning tayma kon na unsa si Popoy. Bisag dili ko ganahan niya dli pud ko gustong mamatay siya bahalag kusog siyag wind speed. Kay diha na puy laing nilabay gikan ila Popoy gipangutana napud namo.

" Naigo si Popoy sa bukton te " 

Me: " ha! Naigo? Yawa buhi pa lagi si 

Popoy? " 

" Buhi paman pud te, naa napuy mga pulis adto gakadugo man to si Popoy adto " 

Wtf nisamot kog gikulbaan sa gakadugo mao nga niapil pud kog dagan padung ila Popoy kay makibalita pud ko ug naunsa nas Popoy. Pag abot namo diha nay mga pulis unya nag katag nang mga prutas. Pagkakita nakong Popoy kay gakadugo naman iyang bukton. Napungot ko kay nganong wala pa siya niadto ug hospital sige pag pa interview sa mga tawo. Pagduol nako niya gi ngisihan raman ko. 

Popoy: " ok ra ko " 

Me: " wa man ko mangutana " 

Popoy: " kahibaw ko ana mn jud mopadung imong pangutana " 

Me: " nganong napusilan man ka " 

Popoy: " nakiglalis ug kinsay gwapo 

namo " 

Naa juy gihambin nga problema nis Popoy way klaro ka istorya. Gibunlot nakong buhok aron ma straight ang hunahuna diha pa ni tug an. 

Popoy: " hubog kaayo gibadlong nako nga mouli na sa ilaha daghan namang istorya ang kolera, niabot na man sa pagkadakop niya kay gisumbong daw nako ilang ilegal nga sweltres. Hinampak nga dako ug ako pay nisumbong dakpan unta pud ko nga labaw pud kong tig patad " 

Popoy: " unya kaingon kog nahuman na mi, ni anhi kos prutasan hinampak gyod nga kolera nga gibalikan man ko dako jug kapungot nako gisikaran pa akong mga prutas isog kaayo gadala na diay ug pusil ang kolera maayo gani kay idol nakos 

Bruce Lee naka lihay pud ko bukton ray

naigo siyay alaot ron maminghoy napud sa prisohan " 

Mutuo na unta ko pero nahinumdom ko naa jud puy pagka hanginon nis Popoy naa jud siyay na sulti siguro nga nakapaulbo sa kaspa sa gapusil niya. Pero nituo nalang ko aron madali kay dili pud lalim iyang kahimtang na pusilan pa, na kanse pas mga prutas nga na damage haha. Kay pareho lagi pud ming negosyante naka relate pud ko niya maong naluoy jud kong Popoy. Tabang nalang kog pamunit sa mga prutas nga wala kaayoy damage. Gipanghatag nalang niya ang uban nga damage na kaayo pero pwede pang kan on.. Wala na siya nag pa ospital kay gasto gasto ra daw na tapsingan raman gamay, giuna nalang niya iyang mga prutas daghan kaayog nasayang kay nagkalapok ng uban kay nag ulan pud to gikan. Mura jud ug gikuhit akong dughan nag tan aw ni Popoy nga sigeg kuha sa iyang mga prutas sa lapok nagdugo pa jud iyang bukton.

Paghuman ug panghipos kami nalang tong tulo nabilin uban sa iyang tigbantay. Nagabhian jud mig panghipos ug panghinlo sa iyang tindahan kay murag giransak ug kawatan kay gipang patiran jud ang mga butanganan niyag prutas. Gigutom na jud ko maong nikaon nalang kos mangga nga na damage.

Popoy: " palit sa adtog barbecue doy bi ug kan on kay pakan on ni atong Madam ani kay gigutom na " 

Me: " apilig coke " 

Wala nay pa cute cute panihapon na gud haha. Paglakaw sa iyang tigbantay kami nalang duha. Yawa nga na awkward man charowt. 

Popoy: " Sakitas akong bukton jud oy " 

Me: " gamay raman kaha na " 

Popoy: " gamay pero ngol ngol man tan awa sa daw Madam "

Gitan aw pud nako iyang samad gi flashlight pa nako sa akong cellphone. Gi banganan raman niya ug tela. 

Me: " gipa check unta ni nimo adtong hospital kay para matambalan , tihik pud kang dako di mogasto " 

Sige kog tan aw sa iyang samad nikalit raman nag ingon

Popoy: " kanus a man ka ma ako My loves " 

Ang gibangan niyang tela nga naay dugo gipansak pa bitaw nakos iyang baba. 

Popoy: " kolera! Pweeh! Unsa naman pud problema nimo Madam? "

Me: " pakan og tagam nang mga baba nga bakakon " 

Popoy: " namakak ba diay ko nimo? Tinood bitaw nga nahigugma ko nimo " 

Me: " baba nimo Poy ga bulala lang , unsa man diay tong giingon ni undoy nga naa kay bae nga sigeg kuyog. " 

Popoy: " whuut? Kinsa? " 

Me: " ay bawo " 

Pag abot sa iyang tigbantay na sabon ni Popoy kay pataka ra daw ug ingon nga 

ig agaw daw to niya nagpatabang kay mo abroad daghan mn gud ning connection si Popoy gamay nalang makatukod nag gang siyay lider. Wrong move jud akong nahimo kay nakaingon jud si Popoy nga nagselos ko mao nga nidako jud iyang pagtuo nga niangay pud ko niya pero bisag pusilon pa ko wa pa jud ko niangay niya ani nga time. Kay nidako na laging ulo ni Popoy nga niangay jud ko niya perme ng mag tambay sa akong tindahan bisag naa siyay prutasan nga dapat atimanon. Kuwang nalang iyang ibalhin iyang prutasan sa akong tindahan. Pero kay pa hard to get lage ko ug in denial, ang gugma ni Popoy niliko sa lain. Dihay bag o nga ni balhin sa among lugar ug atbang jud sa tindahan ni Popoy. Wa jud naka ipsot sa mga walking newspapers namong mga silingan mao nga maoy hot topic sa akong tindahan . 

" Nurse man diay ng anak anang bag ong balhin " 

" Bantog rang pution , dalaga pa na? " 

" Dalaga daw na, pilian pud siguro maong wa naminyo nurse gud " 

" Daghan rabang ulitawo dinhing ato labina kay atbang pa jud ni Popoy swerte kaayos Popoy ug maoy maminyoan " 

Wtf akong naminaw ra affected kaayo. Asa naman among loveteam, nawala na kay naa nay bag o. Nawala daw asu MGA BALIMBING KAAYO. Kaingon pud kog loyal nis Popoy sa pagpanguyab nako tingala nalang ko kay dili na nako makit an sa kong tindahan. Nabalitaan nalang nako nga uyab nas Popoy ug kadtong nurse nga tawgon lang natog Ellen. Inahak pagkagabie ana naghilak ko oy sakita kaayo ang pagbasol nako di masukod .Nasakitan jud ko kay kaingon kog loyal nis Popoy nako pero naa lay niabot nga bag o nawingig dayon ang liog nilingi nas lain. Gi yawa yawa jud nakos Popoy sa kong hunahuna way batasang pagkatawo haha. Nigrabe pa jud kay maoy kanunay topic sa kong tindahan. 

" Kadako sa ngisi ni Popoy naka uyab ug nurse " 

" Lage, hinatod pas hospital kuyawang Popoy naka dagit ug nurse " 

" Diba nanguyab nimos Popoy Basha ? " 

Me: " wa oy binuang raman tong amo " 

Imagine akong gibati ana nga time murag gituok akong heart. Ang gisulti nako layo ra kaayo sa kong true feelings. Kahilakon ko pero ikatawa lang nako aron dili modayon. Inahak nga Popoy lami kantahan ug 

Ikaw pala'y salawahan

Bakit ako ay pinaasa?

Inibig pa kita nang lubusan

At ako ay iyong iniwan

Gidawat nalang nako nga inahak jud si Popoy wa jud ko nagpakita kita niya. Ug mangompra ko dili jud ko molabay sa iyang prutasan ug wala na jud ko mopalit niyag mga prutas kay mga pait wa pa gani nako matilawi. Pero kay gamay ra lagi ang kalibotan nagkita jud ming Popoy. Wa jud nako gipahalata nga nasakitan kos iyang gihimo nako gipanindigan nalang nako nga maghunahuna siyang wala jud ko naka gusto niya. Diha may ekap sa mga tanod kanang manghinlo ang mga officials sa brgy. sa mga dalan kay hapit na pista unya diha sila nang snack sa akong tindahan. Si Popoy may nagkuha sa softdrinks.

Me: " musta Poy! " 

Popoy: " ok kaayo , musta pud ka Madam " 

Me: " aw ok pas alright " 

Normal ra nga convo pero akong kamot lami jud ibira sa buhok ni Popoy aron maupaw. Wa na jud ang my loves sa inahak. Grabe pa jud kay busy kaayo siya sa iyang cellphone text text na siguros iyang laing my loves lami jud bun on ug coke. Relate kos linya ni Bea nga " SANA AKO NALANG, SANA AKO NALANG ULIT "

Usa ka buwan jud ko nag antos sa gihimong Popoy tanan nabati nako. Selos, insecure, kalagot, lami ipatay , sakit sa heart tanan nalang heart problems nabati nako. Sulod pud sa usa ka buwan wa jud ko nagpautang damay mga silingan haha. Aron maka move on nakong Popoy na ngita kog akoa ngita kog pang Gerald Anderson nga datingan pero wa pa siguro matawo kay wa man jud ko makakita. 

Until nabalitaan nalang nako nga nagbuwag si Popoy ug Ellen pang 1 month ra ang nurse ni Popoy. Usa ra akong nasulti " GRABE " . 

Hot issue napud sa among barangay ang pagbuwag nila Popoy ug Ellen lupig pas showbiz. Di jud ko maulahi kay ana man sa akong tindahan ang ilang meeting place. For some reason nalipay ko nga nagbuwag sila charowt. Napalid siguro si Ellen sa wind speed ni Popoy. 

Kay nagbuwag na sila dili na pait ang tan aw nako sa prutas niya mao nga balik nakog palit. Pagtan aw nako si Popoy gabantay ga cap nga pinabali ug nag Jersey. Inahak nga gi gwapohan naman ko niya haha. Nanamin pa ko una ug unsay dagway nako basig naa koy muta unya dool dayon ni Popoy pina flip ang hair ipakita ang gandang nakakamatay charowt. 

Me: " pilay kilo manga gwapo? " 

Popoy: " ayay long time no see, libre nalang ni Madam " 

Me: " sure ba " 

Popoy: " sure kaayo pero naa koy promo ron madam di ka mo avail? " 

Me: " kuyawa naa pa diay pa promo ani? "

Popoy: " buy one take me " 

Me: " yawa " 

Unsa gani reason nganong niangay ko aning Popoy? IDK. 

Humanon na unta ni nako pero kay kahibaw ko nga moangay mo ug part part. Lets get it on haha. Bitaw mag send nakog finale sunod kay I know dili lalim maghuwat, 

" I FEEL YOU " ..

Ff. 

Makapanghawid pud tas hangin ni Popoy maong daghag kontra ug mapungot niya. Pero tungod sa iyang kahangin imbes mulupad ko palayo niya nilupad man noon ko padool niya charowt. In short nadagit kos kahangin ni Popoy.  

Pagkahuman sa breakup ni Ellen ug Popoy tungod lang kay wa daw ganahi ang ginikanan ni Ellen kay Popoy kay gusto nilag professional puy mabana ni Ellen ug kani pud laging batasan ni Popoy ug waka ma suheto mapalid jud ka. Pang teleserye ang peg, gikamenosan ang prutasan ni Popoy nga 5k per day haha. Bulok jud charowt. Na broken into pieces ang heart ni Popoy ngano laging Salawahan kaayo GIGABAAN ang kolera haha. Naka promo lagig buy one take me. Wa pa jud siya kahibalo nga naghuwat ra ko nga balikan niya charowt. Gihagit pa bitaw nakog inom nis Popoy one on one mi, libre nako tanan kay mutuo jud ko anang ug hubog motug an nas tinuod haha.

Si Nanay akong gipabantay sa tindahan kay mag one on one tagay ming Popoy. Siya heartbroken tungod ni Ellen ,ako heartbroken tungod niya. Namili pag long neck daw iya akoa beer kay dili kaayo ko madutlan tagsa ming duha. Sunod sunod ang tagay ni Popoy kolerang dako dalia niya nahubog namikot ng mata. Lipong lipong napud ko pero sakto pa akong pamensar.

Popoy: " Medam, shakit man diay ning mahigugma tag shinuod " 

Me: " sakit jud " 

Popoy: " ako Medam, walay nahuman high school ra ko shaman pero akong utok labaw pas naka masteral. "

Popoy: " wa ko magkinahanglan anang kurso kurso Medam, importante nako nakoy number 1 utok sunod kamot, tiil, baba ug labaw na naa koy plano, PLANO madam ba plano sa kinabuhi " 

Popoy: " wa koy diploma pero daghan kog plano Madam "

Popoy: " unya ang plano madam diskartehan ug dinagko ang plano mahimo ng piano hahahahahahahahahahaha.

Tulibagbag najud si Popoy. Bisag unsa nalay giyawyaw. Wa nako nag inom siya ra akong gipasagdaan kay basig naa siyay sekretong tinagoan haha. 

Me: " nganong gabuwag man mong Ellen? " 

Popoy: " kolera, buang pa sa tanang buang gibangaan shila sa akong prutasan? Kaya nako shilang pletehan bisag molupad pa silag Iceland back and port Madam! " 

Popoy: " unya si Ellen, kaingon kog depensahan ko, KOLERA! maayo laman nikaon ug mga manga nako Madam

 binuang kaayo "

Popoy: " bahala shila sa ilang kinabuhi, mangamatay raman pud tang tanan way mogamot aning kalibotana Madam, way mogamot. "

Daghan na jung nainom si Popoy giilogan pa kos akong beer. Dako raba kaayog tingog abot pikas baryo. Hubog na lagi si Popoy gipangutana pa bitaw nako.

Me: " nganong wa man kono ka mopadayog panguyab nako? " 

Popoy: " ikaw madam? Ako nalay ni surrender madam kay lud on man kaha ka mag tan aw nako. Paita pud ng lud on mura diay kog tae Madam? "

Pasayloa jud kay nabugahan jud nakos Popoy ug beer nga akong giinom kay nikalit kog katawa. 

Popoy: " kolera! nag uwan man Madam " 

Popoy: " ug papilion ko Madam , ug ikaw ba o si Ellen ikaw pilion nako madam oy! Pangutanag ngano " 

Me: " ngano man daw " 

Popoy: " pareho tang Pak-No " 

Me: " yawa ka Poy ikaw ra siguro " 

Mga 10 nami sa gabie nahuman ni Popoy kay sige pag story telling sa iyang mga kaagi bisag lugos na mobuka ang mata. Kay hubog na lagi ka umod umod nas Popoy sa yuta. Labaw pud kong murag nag linog ng kalibotan pasagdan ra unta nako si Popoy mo uli nga ga suray suray.

Popoy: " asha ra gani shong agianan sha amo Madam? bashig mopadung kog langit aning styla " 

Mao nga giubanan nalang nako sa karsada basig naay molabay motor. Si Popoy di na jud nakatarong ug barog mapalid naman. Tayming pud dihay nilabay nga motor nga molabay sa ila gipasakay nako siya. Naglisod pa mig pasakay niya kay di naman kamao motikang. 

Popoy: " kolera! shaman ning butangi ra gud ug elevator imong motor Do aron igo ra ta magtindog " 

Me: " palihog ra kog hagbong ana sa ilahang gate Kuya sagdi ra ng mokamang pa sod " 

" Nganong naghubog hubog man ni " 

Me: " gibuwagan na " 

Popoy: " ako Do.. " 

" O kahibaw nami Poy plastar na kay molarga na ta " 

Yawa nis Popoy nagkalisod gud ang nag drive kay lihokan man kaayo sigeg hunong hunong ambot lang ug gi unsa to nila pag uli. 

Sukad adto magtambayan na pud si Popoy sa kong tindahan. Labaw pung BALIMBING nis Popoy kay wana iyang nurse diri napud nako. Pero niangay pud ko kay like na nako si Popoy charowt. Gwapohan naman kong Popoy magtan aw magpangita na akong mata haha. Na close napud mi kaayo ni Popoy ug mangumpra ko siya dayon mokuha nako kay naa na man siyay multicab bag o charowt. Big time nis Popoy di na basta basta haha. 

One time gi invite pa ko niya kay moduwa daw siyag basketball sa laing barangay. Go dayon ko mao na ni ang one more chance ni Popoy ug Basha charowt.

Kauban nako si undoy nga tigbantay ni Popoy sa iyang prutasan. Kay tihik lagi nis Popoy nanggilakaw raming tulo kay wa niya dad a iyang multicab. Duol raman pud ang court pikas barangay. Inahak nga gi gwapohan mang kong Popoy sa iyang basketball uniform angayan pa siya kontra sa iyang tanod uniform haha. Pag abot namo feeling MVP ang kolera kay daghan mag kaila. Modagan nig ka mayor kadaog nis Popoy mokusog man gud ang hangin ug moabot na haha.

Kay si Undoy niadto man sa iyang mga barkada ako nalay nabilin sa may lingkoran nga puros mga lalaki gamay ra jud koy nakita nga mga bae nga nitan aw. Mao nga nataparan jud kog laki wa ko kaila. 

" Pwede motapad miga? " 

Me: " o pwede ra " 

" Taga diay asa ka miga? " 

Me: " kauban ming Popoy " 

" Ahh silingan mo? " 

Me: " dili man pero taga didto ko " 

"' uyab mong Popoy? " 

Me: " dili pud suod lang mi " 

Kay friendly lagi ko kaayo gi tubag tubag nalang nako ang laki nga nitapad nako daghan mag pangutana. Bisag nag sugod ng duwa sige gihapon mig istorya.

Nabalik lang ko sa duwa kay daghan namang naninggit. Kusog pud manduwa among team kay mga tag as pud kusog pa managan pero wa pud papildi ang pikas team kay kusog pud mo shoot.

Tinag as lagi sila Popoy yawaa mga bala pud kaayo mang shoot pirme sablay haha.

Pag time out sa 2nd quarter niduol si Popoy nako singot na kaayo unya nitapad nako sa pikas. 

" Poy! musta " 

Popoy: " Do! ginhawa pa Do " 

Me: " gitambakan man lagi mo " 

Popoy: " kolerang ring nila ani mosibog man " 

Me: " di lang jud ka kashoot " 

Kalit laman nag dool nis Popoy nako ug ni hunghung .

Popoy: " ayaw paduol ana kay lain na " 

Me: " unsay lain? " 

Popoy: " basta, balhin ta adto nila Undoy " 

Nahadlok pud kos ingon ni Popoy mura bitaw laig pamati nako sa akong ka istorya murag high wtf naka hithit siguro to. Gidala ko ni Popoy adto nila Undoy puros man mga teens pa diha puy mga bae. Nahadlok kos kaestoya nako nga sige namag tan aw nako inahak kaulion nako kaayo haha. Wa na noon ko ka concentrate sa duwa. 

Pero ang ending jud pildi silang Popoy kay nabantayan nakong kara shoot sa pikas mo shoot man jud, ilang Popoy nga nig shoot inahak mo bounce raman sa ring haha. Pang PBA ang mga porma perog mo shoot na pang elementary pa man. 

Paghuman sa duwa kaulion na jud ko kaayo kay kadtong laki nga nipaduol naman sa akong pwesto. Nangita kong Popoy sige pag tingsi adtong ilang mga kontra. Si Undoy pud nisakay naman sa iyang silingan. 

" Miga, ihatod lang ka nku " 

Me: " ahh salamat Kuya naa naman si 

Popoy " 

" Pwede mag akoy muhatod nimo " 

Nagpasalamat jud kong nakabantay si Popoy nako giduol ko confirm jud naka hithit tawhana di na magpundo ang mata. 

Popoy: " ayaw ni Do , ako ray hatod ani " 

" Ahh sige sunod nalang miga " 

Popoy: " wa nay sunod Do, itug ra na basig nig mata nimo Do langit na " 

Me: " inahak man ka , Ma tripingan gani ta ani maglakaw pa raba ta " 

Popoy: " don't worry Madam , kusog bitaw ta managan " 

Me: " yawa oy , manguli na ta " 

Kami ra jung duha naglakaw kay naay mga motor iyang mga kauban. Mosakay unta ko di man pud mosakay si Popoy giubanan nalang pud nako. Nagpa sounds pa ang inahak sa iyang cellphone while galakaw mi murag high school ang peg.

Popoy: " kolera jud tong mga kontra namo mga tikasan " 

Me: " unsay tikasan mga bala jud mong dagko " 

Popoy: " ka shoot pud ko Madam oy mga 10 siguro to, unsay gi istoryahan diay ninyo ganina? "

Me: " bisag unsa raman to " 

Popoy: " adik to kaayo wa nimo tan awa nga mura na tog kalabira "

Me: " malay ba pud nako " 

Popoy: " pero wa na jud koy chance maka shoot nimo Madam ? " 

Nikuha bitaw kog bato ug gibuno niya dagan dagan lagi si Popoy. Niuntol pud akong heart charowt. Tua siya sa layo nisinggit ko 

Me: " Poy! Naa pud koy promo! " 

Popoy: " unsa man na madam! " 

Me: " come here , kiss me ! " 

Popoy: " JAWA! Makapangurog ug tuhod Madam " 

Me: " ma expire nang promo Poy! In 5! 4! 

Popoy: " ha? Tinood na? " 

Me: 3! 2! 1 1/2 ! 

Popoy: " Jawaaaaa! 

Dagan dagan si Popoy pabalik nako pag abot niya ako nay ni bira sa iyang Jersey ug ni kiss niya haha. Kay diha may nagpadung nga motor giguyod pa bitaw nakos Popoy sa may purok nga ngitngit. 

Popoy: " kolera, paakan tag has ani my loves wait sa kay checkon sa nato basig kalit ra tag tuhakon ani " 

Gi check jud niya ug naa bay has sa palibot gi flashlight sa iyang cellphone.

Popoy: " ok na my loves continue ta "  

WTF mura jud mig mga high school nga nag tago tago ug date. 

Popoy: " kalami sa akong gabie bisag pildi daog gihapon , unya my loves uyab nata " 

Me: " di Poy igsoon na ta " 

Popoy: " kolera , wa man koy igsoon nga putot " 

Yawaa lami jud bangagan ug hollow blocks nis Popoy lami na kaayo ang moment unya ingnon ra tag PUTOT nalarot lagi nakong buhok niya. Bahalag putot basta cute charowt. Nahimo jud nga kami ni Popoy ug wa jud maka ipsot sa mga walking newspapers namong mga silingan. Dali ra kaayo ni kanap ang balita di nako matingalag sunod balita buros nako. Proud pud kaayo si Popoy perme na moanha sa akong tindahan ug magdalag mga prutas. Tam is kaayo iyang mga manga kay libre na gikan pas akong my loves haha. Dili na mag bantay sa iyang prutasan ana na perme magbantay sa akong tindahan siya pay maningil sa mga utangan dala dala sa akong listahan.

Popoy: " Kolera! Kanus a man ka mobayad aning utang nimo Nang Lucring , niagi paman ning dekada cash pa jud " 

" Ay nagsabot naming Basha ana Poy " 

Popoy: " ug ok ni my loves sa ako dili na mahimo ,di ko ganahan anang utang lipay bayad dugay, dapat bayad lipay utang dugay, be daw be butangan ni natog deadline

 kanus a ka mobayad " 

Nangapuhag laging mga walking newspapers sa akong tindahan kay puros man utangan haha. Bisag usahay lami laparohon nis Popoy tungod sa iyang baba kuyaw siya mopangga charowt. Protektado ta kanunay ug sweet pas iyang mga prutas haha. Unya ug naay manggi tsismis sa akong tindahan mo andar jud iyang pagkatanod. 

Popoy: " unsa may makuha ana inyong tsismis? Ug kanang gi tsismis ninyog gitanom pa ninyog saging unya ug mamunga ibaligya ninyo nako naa pa moy madawdaw nga kwarta "

Popoy: " pek news napud? Sa pek news raba namatay si Jesus ug wa mo kahibalo sige raba mog Simba bawal raba sa langit ang pek news "

Kay naanad na laging mga silingan namo sa baba ni Popoy di ra pud mangasuko, ug wa si Popoy sa kong tindahan complete attendance napud ang mga walking newspapers group. 

Birthday ni Popoy, sa buntag sa ilaha ang celebration kay nagpakaon man siya sa mga brgy. Officials nag lechon si Mayor kuyaw kaayo. Pero pagkahapon hapon padung na mo gabie, nanaka mis bukid ni Popoy kami rang duha date date pud mig amo gibiyaan niyang mga bisita nga naggiinom sa ilaha haha. Naa may bukid bukid ring amo nga makita ang dagat nagdala pud mig pagkaon. Wala mi magdalag tagay kay basig mangaligid nami nig uli kay bakilid kaayo. Pa sounds dayon ug romantic music charowt.

Popoy: " kita ka adtong star my loves " 

Me: " kay ngano imong kab oton? 

Popoy: " di ba nangutana ra ko basig ako ray kakita " 

Naa juy gihambin nis Popoy nga problema haha.

Me: " unsay birthday wish nimo Poy " 

Popoy: " naa naman sa akong tapad akong wish " 

Natulak pa bitaw nakos Popoy , hapit lagi maligid haha.

Popoy: " kolera, pakamatyon man ta nimo my loves, dali bi ako kang gaposon sa akong mga bukton come here my loves " 

Yawaa nag back hug man ang inahak. Pero kerebels ganahan man pud ko haha. 

Popoy: " Oooh, my loves, my darling ,I've hungered for, your touch, a long lonely time

And time goes by, so slowly and time can do so much Are you, still mine?

I need your love, I need your love

God speed your love to me. Ooohh "

Wtf, bisag way lamig tingog si Popoy ug pangkinaraan kaayo nga kanta carry ra kay with feelings man. Sway sway pa ming duha while nagkanta siya charowt. 

Popoy: " ikaw na pud my loves " 

Me: " You're still the one I run to, the one that I belong to, you're still the one I want for life, you're still the one that I love, the only one I dream of, you're still the one I kiss  

goodnight, I'm so glad we made it, look how far we've come, my baby , happy birthday Poy "

That was the best night for me ever nga gi wish jud nako nga dili na unta modagan ang oras para namong Popoy . CHAROWT.

Niabot jud mi ug 1 year hangtod sa naa nalay nahitabo namo ug najuntis jud ko mao nga nagpakasal jud mi ni Popoy 2018. Duha ka lechon dagko gitampa ni Popoy wa magpa alanganin kay mga bisita unlimited man jud. Ang usa nga giimbitar namo kahibaw nami nga mangimbitar pud ug 5 ka buok, sa amoang balay ang venue murag nagpakaon si mayor kay daghan jung tawo nakurat na laman kog maigo bang pagkaon haha.

Me: " Poy, maigo ba ng daghana naman kaayong bisita nimo " 

Popoy: " maigo lagi na my loves ayaw kabalaka ug di jud maigo naay daghang saging nako lung agon laman to. "

Kalooy sa Diyos naigo raman pud ang among handa nakuyawan jud ko kay wa na may kahumanan ang nangabot nga bisita daghan man gong kaila si Popoy maong pagka balita nga kaslon na siya apil mga pikas barangay nidayo jud kay makikaon haha. 

Pag 2019 nanganak kos junior ni Popoy pait pa jud kaayo kay dugay ko nagbati nalarot na tanang buhok ni Popoy sige nakog bunlot sa kasakit. 

Me: " yawa ka Poy! Bahala ka DILI NA JUD KO MANGANAK!!!!!!!!! " 

Popoy: " karon ra na my loves pag sunod ok na " 

Me: " YAWA KAAA! " 

Wtf dugay jud ko nagbati murag usang adlaw na siguro. Pag abot sa hospital cesarian ko kay naglisod jud kog panganak kay di pud ko kamao mootong nakalibang na lang ang bata sa sulod. Di jud lalim manganak sa tinood lang murag kita na jud kos purtahan sa langit haha. Inahak pa jud nga gusto unta kong naa si Popoy sa akong kilid aron malarot nakong buhok dili man pasudlon ang bana. 

But naka survive ra jud ko ug nakaanak mi ni Popoy ug lalaki si Momoy haha. 

Naa nay branch ang prutasan ni Popoy kay gibutangan pud niya akong tindahan sa iyang mga prutas. Ga merging pud mi sa among mga business charowt. Side line gihapon ni Popoy ang pagka tanod hangtod karon kay parehas daw silag tinae ni Cap ug sayang daw ang 2000 buwan panggasolina haha. Nakatukod napud mi ug among kaugalingon nga balay ug padayon gihapon sa paghigugmaay hangtod karon kauban sa among Momoy haha charowt charowt..

Thank you sa pagtagad sa akong confession mga admins ug salamat sa inyong mambabasa.